Өлең, жыр, ақындар

Қазақ осы

  • 17.01.2022
  • 0
  • 0
  • 1123
Көрнекті ақын Қадыр Мырза-Әлиге

Қазақ осы
Өзіңіз суреттеген,
Өнер сүйгіш жүрегін кірлетпеген.
Көңілі дархан дариядай
Халқым мынау
Хан көтеріп ақынын құрметтеген.
Сыр елінің мүмкін бе сағынбауы,
Сырласуға кеп отыр қалың қауым.
«Иірім» мен «Жазмышқа»
Қалам тартып,
Көтердіңіз жүктің сіз ауырлауын...
Жан болмас-ау
Мінсіз боп жаратылған,
Мінсіз – Аллаһ!
Сол ғана дара тұрған...
Періште емес,
Пендеміз,
Шындығы осы,
Құтыла алмай жазмыштан баратырған...
Жалғандығын дүниенің жиі ұқтырған,
Құдірет бар...
Боламыз сүйіп құрбан.
Тұлға тұттық
Ұлтымның ұл-қыздарын,
Пенделіктен бір сүйем биік тұрған.
Хантәңірдің сияқты мұзбалағы,
Шыңға қарап
Жас ұрпақ шыңдалады.
Аласармай тұрсыншы
Биігінде
Тұғыры мықты
Ұлтымның тұлғалары!

2003 жыл



Пікірлер (0)

Пікір қалдырыңыз

Мен сенің бақытыңмын

  • 0
  • 0

Бірге өзіңмен
Қарсы алып ерте күнді,
Бүгінді емес,
Ойлайтын ертеңіңді.

Толық

Естеліктер

  • 0
  • 0

Естеліктер –
Өткен күн елестері,
Өмірімнің
Бөлшегі емес пе еді?..

Толық

Қаралы қоңыраулар

  • 0
  • 0

Бұл арада қайғы-зар, аңырау бар,
Көкірегіңді күйдіре жалын аунар.
Түтіні өшкен
Әр үйдің мұржасында

Толық

Қарап көріңіз