Өлең, жыр, ақындар

Жан

  • 23.02.2022
  • 0
  • 0
  • 1930
Менің жаным шыбын ба шыныменен?
Шығып кетсе болғаны – бүгін өлем?
Жаным – шыбын және де біреу өзі…
Айтшы, дәлелдейсіңдер мұны немен?
Шыбын болса, жарайды, шыбын болар,
ал бір деген жай қате ұғым болар.
Жан дегенің жалғыз-ақ шыбын екен,
онда адамда не жөнді ғұмыр болар?
Сақтау үшін алысып жыртқыш елмен
қорғаймын деп жандарын жұрт күшенген.
Жан деп әлдеғандай ғып жүргеніміз
жалғыз шыбын дегенге тіпті сенбен!
Өмір - айдын, тірлігім – кеме көпір,
кеме үстінде бір шыбын келе ме құр?
Менің күйсіз ішімде жалғыз өзі
не деп отыр немесе не жеп отыр?
Бір клетка қалған жоқ тәнде жасаң,
өзімді алдап, жұртты алдап әнге басам,
біреу емес, кеудемнен мың шыбынның
қашып шығар кезі өтті әлдеқашан.
Адамда, рас, мың шыбын жан бар шығар,
мың шыбының қырылса, арман сынар.
Ажал-бақа бір-бірлеп таусып бәрін,
қалса менде, біреуі-ақ қалған шығар.



Пікірлер (0)

Пікір қалдырыңыз

Өзіңді жерлеп келіп, жапа-жалғыз отырмын

  • 0
  • 1

Өзіңді жерлеп келіп,
жапа-жалғыз отырмын. Меңіреумін.
Айналамда қыстыққан еңіреулі үн...
Әлем деген қап-қара бұлтқа оранып,

Толық

Мәңгілік от

  • 0
  • 0

Мәңгілік от қызыл жалын лаулаған
ұшқынындай жарқыраған көздердің.
Мәңгілік от — Күн нұрынан аумаған
ескерткіші жалындаған кездердің.

Толық

Іздеу

  • 0
  • 0

Сенімен кездеспегелі,
сезе алмай мен де ештеңені,
жолығып қаламын ба деп,
қараймын жанарымды егеп

Толық

Қарап көріңіз

Басқа да жазбалар