Сені іздедім

Жанымда сен жүргенде
дүниеден табылғандай ең керегім,
шаттықтың толқынында тербелемін.
Адамдар армандайтын бақыт деген
сен бе дедім.
Қайырмасы:
Өзіңменен
жүрегім егіз менің,
төзім жеген
түндерде көз ілмедім,
жаңартау — сезімдерім,
теңіз — демім,
жанымнан сені іздедім,
жаным-ау, сені іздедім!
Жәннаттай көрінгенмен,
жайлауда сән болмайды ел қонбаса,
жардың да қызығы жоқ тең болмаса.
Өмірден бар сұлулық көшетіндей
жанымда сен болмасаң.
Қайырмасы.
1976

---