Шөмішбай Сариев

Ашылар әрбір күннің

Бұл бетте «Ашылар әрбір күннің» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

11.04.2022
0
0
899

Ашылар әрбір күннің
парақтары,
Әр күннің әрбір демі
бар аптабы.
Мен қалай болдым деме
бұл өмірде,
Құдайдың өзі солай
жаратқаны.
Сібірлеп көзің көріп
таңы атқаны,
Тірлікке сәулелерін
таратқаны.
Мен солай толдым деме, бұл өмірде,
Қүдайдың өзі солай
жаратқаны.
Сыйдырып жеті күнге
әр аптаны,
Күндерді Аймен өлшеп
парақтады.
Бұл неге былай болды
деп өкінбе,
Құдайдың өзі солай
жаратқаны.
Жердің де шыр айналып
баратқаны
Бойыңды шыр айналып
қан аққаны
Сен түгіл Жер мен бүкіл бар ғаламды
Құдайдың өзі солай
жаратқаны.
Бас имей кәрілікке жас сүйеміз,
Көк аспан, Жер топырақ, асты теңіз,
Ей, пендем, өмір солай сондықтан да
Жаратқан иемізге
басты иеміз!

Шөмішбай Сариев ашылар әрбір күннің Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар