Шөмішбай Сариев

Отарға келдік Отарға

Бұл бетте «Отарға келдік Отарға» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

14.04.2022
0
0
890

Отарға келдік Отарға,
Ұйықтап жатыр ботам да,
Мен ояумын өмірде,
Ұйықтап жатыр Отанда!
Көрдім солай Отарды,
Оятпадым ботамды.
Күзетіп өлең-жырыммен,
Отырмын түнде Отанды!
Жауыздар жерден жоғалсын,
Жақсылар қайтіп, оқ алсын...
Ұйықтасын әлем мызғысын,
Мазасыз дүние дем алсын!
Демалсын ұлы Отан да,
Ұйықтасын балам, ботам да.
Тоқтады менің поезым,
Осы бір жайлы Отарға!
Қалдырған жүйрік ой ізін,
Вагондар ұзын, бойы ұзын.
Тоқтап, қайта жүрмекші,
Мен мінген жүйрік поезым.
Поезым қайта жылжыды,
Вагоным жылы, күн жылы.
Жарым да жатыр ұйықтаумен,
Тербеткен әлем түн мұны.
Ұйқысы-ай мынау ботаның,
Бәрі де менің Отаным.
Қайта айналып көргенше,
Қош бол, менің Отарым!

24-25 наурыз 2014 жыл
Астана-Алматы сапары
9 вагон
Қостана-Алматы поезы

Шөмішбай Сариев отарға келдік отарға Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар