Өлең, жыр, ақындар

Семсер

  • 07.06.2022
  • 0
  • 0
  • 704
Нұры сiңiп қалған сынды арайдың
сәуле шашып жарқ-жұрқ еткен семсерге
қараймын кеп, қараймын.
Әрi сұсты, әрi ғажап сымбатты-ақ
Осынау бiр сүйегi асыл семсердi
соқса керек жұмбақтап.
Халқым менiң қапа болған тарлықтан
ақ арманын қосып соққан семсерге.
сұлу ғой ол сондықтан.
Халқым менiң мұң мен қайғы, зарды ұққан
батырлығын қосып соққан семсерге.
Айбарлы ғой сондықтан.
Халқым менiң көз ашпаған қорлықтан
кек, намысын қосып соққан семсерге.
Өткiрлiгi сондықтан.
Халқым менiң – зарлы дауысы қарлыққан –
ән мен күйiн қосып соққан семсерге.
Оттылығы сондықтан.
Халқым менiң сан бөлiнген хандықтан
төзiмiн де қосып соққан семсерге.
Берiктiгi сондықтан.
Халқым менiң шаршап, талып, шалдыққан
ар, ожданын қосып соққан семсерге.
Тат баспауы сондықтан!



Пікірлер (0)

Пікір қалдырыңыз

Жағымпаз

  • 0
  • 0

Сөзбенен! –
Айдың сәулесiнен
Ақ шатыр тiгiп бередi.
Өзендердi бұрып әкеп –

Толық

Намыс

  • 0
  • 0

Түкiрiп туған жерiме
өзiмдi кетсе табалап,
тигiзiп тiлiн тегiме
жармасса бiреу жағама —

Толық

Алатау батырдың тұтқыннан қашып шығуы

  • 0
  • 0

Алатау батыр
Шағын қолмен
Келе жатып –
Қапыда! –

Толық

Қарап көріңіз