Өлең, жыр, ақындар

Мыстан кемпір

  • 14.06.2022
  • 0
  • 0
  • 1227
Алтын сақамды алам деп
«Отырса тұра алмайтын,
Тұрса отыра алмайтын»
Мыстан кемпiрмен алыстым.
Ол да қарысты,
Мен де қарыстым...
Бiр тiсiн жұлып ап
Тауға лақтырдым.
Тау қозғалып,
Теңселiп кеттi,
Жота-төбелер
Жер шөгiп кеттi.
Шыңдардың
Тоқсандағы шалдардай
Шашы ағарды
Тастары
Кесiлген бастардай домаланды.
Бiр тiсiн жұлып ап
Мұхитқа лақтырдым.
Мұхит
Тоқсан жыл қорланды.
Тоқсан жыл долданды.
Жағалаудан сарқырап төгiлдi.
Кемелерiң
Қақырып сөгiлдi...
Жеңiске жеттiм!
Жаным марқайып қанды.
Күн қайта шықты.
Жұлдыздар қайта жанды.



Пікірлер (0)

Пікір қалдырыңыз

Үміт пен күдік

  • 0
  • 0

Бiрi қатер, ал бiреуi игiлiк,
бiрi тербер, бiр салып қиғылық...
Үмiтiмдi өсiрiп ем гүл қылып,
күдiк-аптап жiбердi оны күйдiрiп.

Толық

Бозторғай

  • 0
  • 0

Тұла бой, жүйке, тамыр шымырлап тұр,
Құлағым, сана, миым шыңылдап тұр, –
Шошынған жұдырықтай жүрек құсап
Бозторғай дала үстiнде шырылдап тұр!

Толық

Ертегi әлемiм

  • 0
  • 0

Ертегi әлемiм!
Сенi еске алып ем
Күндей күркiреп,
Айдаhардай бүктелiп

Толық

Қарап көріңіз