Өлең, жыр, ақындар

Ауа райы

  • 29.06.2022
  • 0
  • 0
  • 1056
Долы бір жел
Түс-әлпеті
Әлемтапырық
Қан-сөлсіз бұлттарды
Алдына сап
Қуып келеді.
... Біліп тұрмын:
Әне-міне дегенше
Елімнің ішіне
Жансыздай сумаңдап
Суық кіреді.
Жұлым-жұлым болған
Мына бір ағаш
Кеп-кеше ғана
Көк өрім еді...
... Қазір-ақ
Әне бір жақтан
Үскірік аязды
Циклондар шығып,
Басқа бір жақтан
Оларға қарсы
Алау-далау боп
Антициклондар
Көтеріледі.
Сарыарқаның үстін
Сапырып
Сыпырып жатқан
Ақ түтек боранның
Сұрапылын-ай,–
Алып даланың
Шөп пенен бұталарын
Бастарын жерге тигізіп
Еңретіп жылатуын-ай.
Көл менен теңіздерім
Арналарына
Сия алмай
Бұрқ-сарқ қайнап
Аласұруда.
Манағы долы жел
Келген бұлттарды
Қаңбақ құрлы еөрмей
Алатаудан
Әрі асыруда...
Қабағынан қар жауған
Аспан әлемі
Бұйыққан тірлікке
Түйіліп қарады...
... Әйтеуір бүгінде
Ауа райы да
Қысастық көрген
Жан дүниесіндей
Аласапыран боп
Бүлініп барады...



Пікірлер (0)

Пікір қалдырыңыз

Саф Самалдар, басқамен

  • 0
  • 0

Саф Самалдар, басқамен
кезiктiң бе,
жабырқаттың әйтеуiр кешiктiң де,—
дәл осындай кездерде тереземнен

Толық

Жота басындағы домбыра

  • 0
  • 0

Шетсiз-шексiз мұнарт дала,
айдала.
Ұйып қалған,
тынып қалған айнала.

Толық

Осы бір жан

  • 0
  • 0

Аһ ұрса – көкiрегiнен! –
Қопарылыстар мен жарылыстардан
Күйзелген Семейдiң
Күл-топырақ

Толық

Қарап көріңіз