Өлең, жыр, ақындар

Алғыс

  • 21.07.2022
  • 0
  • 0
  • 1858
Шың шоқысы көкке тиіп,
Аясында ойнап киік,
Қырғыз тауының атасындай
Сұңқар ұя тұрған биік.
Жоқ, ол –
Асқан партияға
Алғыс айтад басын иіп.
Бестаспенен жымыңдасып
Маңдайынан күн нұр шашып.
Бүкіл жердің анасындай
Кең көл тұрад қойнын ашып.
Ол да ұлы партияға
Басын иед алғыс айтып.
Асау тайдай сайда мөңкіп
Кейде шалқып, кейде көлкіп,
Кәрі Талас тынбай аққан,
Шаттық, жастық күшін шертіп,
Партияға бұ да алғыс
Айтып жатыр, қанат серпіп!
Алғыс айтып туған елге
Компартия кемеңгерге,
Тотыдайын құлпындырып,
Бөлендірген қырды гүлге,
Елсіз сайға ел қондырып
Елге сұлу сән бергенге.
Сұңқар ұя басын иіп,
Шыңның басын ай, күн сүйіп,
Кең кел қойнын ашса кеңге
Маңдайынан бақыт күліп
Ерке Талас жырға шырқап,
Елге ырысын тұр ұсынып.
Айдың аты – партия,
Күннің аты – партия!
Күліп тұрған нұрлы бақыт
Ел қанаты партия!
Жыршы соның қуанышы,
Оның күші — партия!



Пікірлер (0)

Пікір қалдырыңыз

Әлжеке

  • 0
  • 0

Әлжеке, жақпарында жүрек таудың,
Сен жастан қолға қайла, күрек те алдың.
Ержете қайла орнына қалам ұстап,
Таңында тас түлектей түлеп те алдың.

Толық

Тұтқын

  • 0
  • 0

Күнбатыста көрем бұлттың түнеуін,
Көгінде ай жоқ... қайғылы түн түнегін.
Сол түнекте, қанды жасы кел болып,
Қандай ғана жан жылауда білемін;

Толық

Қысқы селенде

  • 0
  • 0

Қыс өтіп, жаз туғанша,
Іс тыныстап тыңдағы,
Десеңші, бір, той қанша
Болады елде мұндағы?

Толық

Қарап көріңіз