Өлең, жыр, ақындар

Алматыға күз келіпті...

  • kmm
  • 29.11.2022
  • 1
  • 0
  • 979
Алматыға күз келіпті,
Жүрекке ме жоқ әлде?
Жапыраққа сыз қоныпты,
Көндігесің, амал не?

Шерлілердің қаласы бұл,
Қалалардың шерлісі.
Талай қазақ баласының
Тағдырының белгісі.

Асфальттің сұр түсінде
Қалаға тән бір мыс бар.
Сәбилердің күлкісінде
Анаға тән тұрмыс бар.

Жалғыз жүрме қалада бұл,
Көп соңынан тағы ерме.
Сыйлау үшін анаңа гүл,
Айнала біл өнерге.

Білінбейтін бар-жоғың да,
Шіркін, неткен қала бұл?
Кең көше мен тар жолында
Өзіңді өзің таба біл.

Алматыға жат емес ем,
Жат көретін сыңайлы.
Білем, кейде қателесем,
Қателескен ұнайды.

Қателік те — бір шындығым,
Қалаларда адасқан.
Бір бұрышта күрсінді кім?
Жан бар ма осы бағы асқан?

Бәріміздің арманымыз
Алатаудай биік-ау!
Келгенімен самғағымыз,
Алматыда қиын-ау.

Жылу көрмей тірісінде,
Пәтерінде тоңған кім?
Пәтер іздеп түн ішінде
көшелерде қонған кім?

Кеште жанған шам алаң ба
тағдырына көшенің?
Бұл қалада жараланба,
Жан таба алмас еш емін.

Шымқаламен арасы бір -
жеті жүздей шақырым,
Ақындардың қаласы бұл,
Қалалардың ақыны.

Тәңірде де мол ма күнә?
Жұмақта да жол тар ма?
Келме досым, Алматыға
желтоқсан мен қаңтарда! —
тоңып қаласың немесе өліп қаласың…



Пікірлер (0)

Пікір қалдырыңыз

Бақ ішінде

  • 1
  • 0

Күз де келді шықпайтын жүз күн ойдан,
Жүрегімде басталды ізгі майдан.
Айтыңызшы, көрдіңіз осы қашан,
Сұлулықты сүймейтін қызды қайдан?

Толық

***

  • 1
  • 0

Өмір маған ұнайды соңғы кезде,
Соңғы кезде жібіді тоң мінез де.
Сені ғана ойлаймын бұл күндері,
Керегі жоқ секілді жанның өзге.

Толық

Бүгін жаңбыр жауса екен...

  • 1
  • 0

Бүгiн жаңбыр жауса екен деп тiледiм,
Жуып өтсiн жүзiмдi кешкiре күн.
Кеткенiңе сене алмай сенiң, ана,
Жыламаған көзiмдi кешшi менiң.

Толық

Қарап көріңіз