Қаракерей Қабанбай

Қателік кетті-ау талай ғасырларда,
Ұзаққа ұмытты деп жатырқама.
Рухыңа бас иеді елің сенің,
Ассалаумағалейкум, шіркін-ай, батыр баба!

Шіркін-ай, шеру тартқан ерлер қандай,
Шертетін шежіресін елге арнай.
Қабанбай, Қанжығалы қарт Бөгенбай
Райымбек, Тайлақ батыр, Қасабай, Шона-Матай.

Қайырмасы:
Айбынды асқар таулардай,
Алпамыс пен Қамбардай.
Елеңдеп өткен ел үшін,
Еске алайық ер ісін.
Шайқасқан сан Жоңғарда-ай.
Қаракерей Қабанбай.
Қақпасы берік қамалдай,
Дулыға сауыт киінген.
Қас жауына шүйілген,
Қырандай қайран бабам-ай.

Қырандар қалқып жүріп дамылдайды,
Қырағы қасиетінен жаңылмайды.
Сардарлар сабылса да жорықтарда,
Баладан хан көтерген, шіркін-ай, Абылайды.

Көтерген қара нардай халық мұңын,
Нарбала, Дарабозым жарықтығым.
Тарихтың шықшы тағы биігіне,
Жеңістің желбіретіп, шіркін-ай, даңқ туын.

Қайырмасы