Өлең, жыр, ақындар

Көңіл білдіру

  • 07.02.2016
  • 0
  • 0
  • 4195
Үзілген көк жиегінен
Жаңбырындай күзгі аспанның,
Домалайды иегіңнен
Мөлдір моншақ көз жастарың.
Жайқалған гүл желегіндей
Ен далада ескен еркін.
Жас бала едің сен ерімдей
Әлі күнге есте сол күн.
Көтеріп көл толқындарын,
Кең жазықта тұрды сағым.
Бұрқыраттың шөл құмдарын
Желмен ойнап тұлымшағың.
Қайта тартып жылдар сыйын,
Жайды әкеліп тағы алдыма.
Елестейді тұрған үйің
Бозшакөлдің табанында.
Қарай, қарай ай бататын
Әкетердей ертіп сені.
Терезеңнен оятатын,
Жаз айының шертіп желі.
Ұқсап байтақ дала туға
Көтергенде қызғалдағын,
Қарлығаштың қанатында
Сенің нәзік жүзді арманың.
Таныс күндер, алыс күндер...
Қайта шолып тұрмын бәрін.
Алма-кезек ауысты үндер —
Дауыстары құрбылардың.
Тәтті үмітті алда тұрған
Қол ұстасып қоса қуған.
Бақытыңа бола туған
Айрылыпсың қосағыңнан.
Жас көңілді шерлі қылып,
Жар қайғысы көпке кетер.
Сонда-дағы белді буып,
Көз жасыңды төкпе бекер.



Пікірлер (0)

Пікір қалдырыңыз

Әскери марштар

  • 0
  • 0

Осынау аспан көз жасына малынған,
Осынау орман жаралған тек сағымнан.
Көз жасы емес,
Сағым емес,

Толық

Оқжетпестің түбінде

  • 0
  • 0

(Ғаббас Жұмабаевқа)
Түбіне Оқжетпестің бір түнедім,
Көз жасым жаңбыр болып жыр тіледім
Күмбірлеп көкірегімде керемет күй

Толық

Қыз мұнарасы

  • 0
  • 0

Атылып мұнарадан қыз құлаған.
(Қадалып түйліккен шал — құзғын оған).
Жұтқанда жас аруды кәрі теңіз,
Кеудеге бұлтын жиып күз жылаған.

Толық

Қарап көріңіз