Өлең, жыр, ақындар

Теңіз жағасындағы ой

  • 18.12.2016
  • 0
  • 6
  • 41513
Мекен етіп көкшіл теңіз, көкшіл аспан ортасын,
Тұрмын басып құзар таудың қына басқан жартасын.
Төменде мың иретіліп бұрқыраса көк толқын,
Төбемде шың шуақтайды күнге тосып арқасын.
Теңіз, Теңіз?... Теңіз неткен, теңіз неткен ашулы!
Білмейді екен бұ жалғанда ол ашуын бір басуды!
Көкжал толқын айбат шегіп мүйіздесе жағаны,
Жалына кеп жартастардың күс-күс қолы асылды.
Төбемде шың бойын ылғи өрлік, паңдық билеген,
Әлгі айбатты ақ толқынды теңізге бас имеген.
Күн ғана оны еміреніп маңдайынан сүйеді, -
Екеуінің ортасында тұрмын аң - таң күйде мен.
Уа, табиғат, өзің неткен құпияңа беріксің?!
Өрлігіңе, көрігіңе - бар сырыңа жерікпін.
Тауыңның да, дауылдың да, теңіздің де сыры мол, -
Мен ғана тек бұл өмірге құпиясыз келіппін.
Толқыным жоқ теңіз болып тулар едім тағатсыз,
Қыран болып қалықтар ем жаралыппын қанатсыз,
Туғызыпсың дүниеге бір - ақ құлаш бой беріп,
Болар едім асқар таудың төсіндегі абат қүз.
О табиғат! Жараттың ба адамды әлде күңкілдек
Жер бетінде бос қыбырлақ тірлік етіп жүрсін деп, -
Әлде теңіз айбаты мен асқар таудың өрлігін
Өзі көріп, өзі үйреніп, сондай бола білсін деп!



Пікірлер (6)

Есболат Арайлым

ОЛЕНДЕРI ОТЕ КЕРЕМЕТ.

Балым

Қатты ұнады осы өлең

Myrza

Өте керемет!

Бакдаулет

Жақсы өлең!

Аяулым

Мен осы өлеңмен жарысқа барамын орын аламба? Керемет өлен сияқты

Толғанай

Өте керемет.

Пікір қалдырыңыз

Төзім жыры

  • 0
  • 2

Бүтіннің бәрі тесіліп,
Тесіктің бәрі көміліп,
Бойшаңның бәрі кесіліп,
Толының бәрі төгіліп,

Толық

Дастархан жыры

  • 0
  • 1

Уа, достар, бүгін неткен керім еді,
Қыздар да қысырақтай керіледі.
Қара көз төңкерілсе төңірекке
Жалын от жанарынан төгіледі.

Толық

О, табиғат, өкпелімін өзіңе

  • 0
  • 12

О, табиғат, өкпелімін өзіңе,
Арамсаққа жалтыратып сөз бердің.
О, табиғат, өкпелімін өзіңе,
Қызғаншаққа жалтыратып көз бердің.

Толық

Қарап көріңіз

Пікірлер