Өлең, жыр, ақындар

Өнегеге бай аға

Өмірі – дүние емес, сезімге бай,
өзінше өрнектеген сөзін де ұдай.
Өн-бойы өнеге мен төзімге бай,
өзгеше жаратыпты өзін Құдай.

Көксері – жүрегінің иманы боп,
кісіні құрметтеуді тиғаны жоқ.
Күнкөріс күресінде жиғанынан,
кембағал жарандарға қиғаны көп.

Жатса да шалғай тірлік көші мейлі,
«Жақсы адам – көңілімнің хошы» дейді.
Жалғанның жалпағынан жырақ жүріп,
жанына жақын болар дос іздейді.

Құбылып тұрса-дағы заман бүгін,
қайырлы іске бастар тамам күнін.
Қалпымен қарабайыр қарашаның
қайрылып барып сұрар амандығын.

Аяңдап жетті әкенің арманына,
Аллаға дәйім разы болғаны да:
ағайын ортасында аман-есен,
алпыстың асқарына қонғанына.

Ағалық ақылыңыз аса берсін,
арнадан нақылыңыз таса берсін!
Алшаңдап, ақсақал боп арамызда,
аяғың жүзге қарай баса берсін!



Пікірлер (0)

Пікір қалдырыңыз

Аспан да жалғыз болмайды екен

  • 0
  • 0

Аспан да жалғыз болмайды екен –
төсінде бұлттар аунайды екен.
Жүректі сезім толғайды бөтен,
көңілді ойлар жаулайды секем.

Толық

Ауылым – киелім

  • 0
  • 0

Көкірегімде тұншығады ауыр үн,
селдете алмай тұрған бұлттай жауынын.
Көшіп-қонып жатса-дағы қауымың,
киең сені тастамайды, ауылым.

Толық

Қасқа құлын

  • 0
  • 0

Атам маған ауылда
қасқа құлын сыйлады.
Қарамайды жауынға,
аулаға да сыймады.

Толық

Қарап көріңіз