Ерлан Ахмет

Аяулы ана

Бұл бетте «Аяулы ана» атты Ерлан Ахмет жазған ана туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

Erkalamger
29.12.2016
0
0
10323

Аяулы анам, асылым, айдай анам,
әлдилейтін сендей жан қайда маған?
Асқақ едің, адал ең жарыңа да,
ару анам, ақжарқын, қайран анам.

Немереден шаттығын аямаған,
шапағаты – шалқар-көл, аялы анам.
Жабығып жүр аңсаған шөберең де,
бәйтеректей саяңды саялаған.

Анажаным, ардақтым,
алтыннан да салмақтым.
Сағыныштан өзіңе,
ән-құсымды самғаттым.

Төздің талай тағдырдың егесіне
тербетілген өмірдің кемесінде.
Берекеңмен, анашым, еңбегіңмен,
есіміңді қалдырдың ел есінде.

Аяулы анам, асылым, айдай анам,
әлдилейтін сендей жан қайда маған?
Асқақ едің, адал ең жарыңа да,
ару анам, ақжарқын, қайран анам.

Анаға деген сағыныш аяулы ана Ерлан Ахмет өлеңдері

Пікірлер (0)

Пікір қалдырыңыз

Жиі қойылатын сұрақтар