Өлең, жыр, ақындар

Жасыңда болмасаң ақылды

  • 21.03.2019
  • 0
  • 0
  • 2351
Жасыңда болмасаң ақылды,
Сүймесең достарды, жақынды,
Егделік жасына жеткенде
Қайтара алмайсың қапыңды.
Жасыңда болмасаң жүректі,
Шыңдарға салмасаң білекті,
Егделік жасына жеткенде
Таппассың таянар тіректі.
Жасыңда жарықты сүймесең
Сүймейсің қарттыққа жаңарып,
Көңілсіз күңгіртте жатарсың
Көр тышқан секілді қамалып.
***
Ақылшы көп - сасқанға,
Қуғыншы көп - қашқанға.
Есің болса жасқанба
Есіріктер тосқанға!
Бір желік іс бастауға
Тобым көп деп мастанба.
Сәл әлсіреп сасқанда
Досың жаман қастан да.
Ойлан, бала, асықпа,
Әуестенбе жасыққа
Қиынды да іздеп көр,
Баса бермей машыққа.



Пікірлер (0)

Пікір қалдырыңыз

Алматыда түсімде

  • 0
  • 0

Жүр екенмін Алматымда түсімде,
Жанды жапырақ, жарқын гүлдер ішінде.
Жүрмін кезіп көшелерін өңімдей,
Сағыныппын, көргім келед ерінбей.

Толық

Кеңесу

  • 0
  • 0

Сақалыма, шашыма қарайды да,
Білгірсымақ ағаға санайды да,
Ақыл сұрар жас жігіт, білмеймін мен.
Қолайсыз ба айтарым, қолайлы ма

Толық

Өсектің күші туралы

  • 0
  • 0

Қадірсіздің өсегі шаң сияқты,
Бір сілкінсең қалмайтын.
Қадірлінің өсегі заң сияқты,
Жалған десең нанбайтын.

Толық

Қарап көріңіз