Өлең, жыр, ақындар

Блокноттан

  • 23.03.2019
  • 0
  • 0
  • 1429
Жазды күн, жазық далада,
Тігулі шатыр көруші ем:
Шатырдағы Қаныштың
Кім екенін білуші ем.
Қайтып бір күн құс атып,
Сол шатырға қондым кеп.
Салқын түнде жаттық біз,
Қаздың етін бөліп жеп.
Сыр қып терең ол маған,
Айтты жайын Сергоның:
Арнап барып көргенін,
Сергоға серт бергенін.
Ақ шатырда екеуміз,
Сөйледі дос жер жайын,
Есептеді алтын, мыс,
Қорғасынын, мұнайын...
Бір разведчик, бір ақын
Әңгімеге кенелдік.
От та сөнді шылымнан,
Біз де ұйқыға жөнелдік...
Ертеңіне көшті дос,
Станокпен, қолымен,
Автокарлар жөнелді
Үйреніскен жолымен.
Содан бері көп көрем
Шатырларды даладан.
Көшсе шатыр орнынан,
Көрем завод жаңадан.

1935



Пікірлер (0)

Пікір қалдырыңыз

Осы бір қарт

  • 0
  • 2

Осы бір қарт ұнайды тіпті маған,
Дүр секілді кәдімгі жұрт аңсаған.
Тарта берер түрі бар тарланымның,
Күні қашан жеткенше күрт қаусаған.

Толық

Жаңа өрімдер

  • 0
  • 0

Тағдырыма ырзамын –
Ақын қылып өсірген.
Бейнетіме ырзамын –
Жастайымнан кешірген,

Толық

Ақын

  • 0
  • 1

Кеудесі шын ақынның күй сарайы,
Алады төгіп-төгіп келсе орайы.
Жаңбырдай нажағайлы нөсерлеткен
Жерінде гүл шайқалар құйып өткен,

Толық

Қарап көріңіз