Құтып: жұрт, өсиет, нақыл, афоризм туралы айтқаны

Ұлттың сақталуына да, жоғалуына да себеп болатын нәрсенің ең қуаттысы – тіл. Сөзі жоғалған жұрттың өзі де жоғалады, өз ұлтына басқа жұртты қосамын дегендер әуелі сол жұрттың тілін аздыруға тырысады.

— Ахмет Байтұрсынұлы

тіл, ұлт

Балам деген жұрт болмаса – жұртым дейтін бала қайдан шықсын!

— Ахмет Байтұрсынұлы

жұрт, бала

Мен өлсем де өлемін жөнімменен, Тәннен басқа немді алар өлім менен?! Өлген күні апарып тығары – гөр, Мен жоқ болам көміліп тәнімменен. Тән көмілер, көмілмес еткем ісім, Ойлайтындар мен емес бір күнгісін. Жұрт ұқпаса ұқпасын жабықпаймын, Ел бүгіншіл, менікі ертең үшін.

— Ахмет Байтұрсынұлы

өлім, жұрт

Асылдан - асыл туады, жалқаудан - масыл туады. Мылжыңнан - езбе туады, қыдырмадан - кезбе туады.

— Майқы би

өсиет, асыл

Ханнан тақыт таярда - қараша жұртпен хас болар, Байдан бақыт таярда — дәулетіне мас болар. Кәріден абырой таярда — аңдығаны ас болар, Жетесіз туған жігіттер — жиырма бесте жас болар.

— Шал Құлекеұлы

адам, өмір

Кітап дегеніміз алдыңғы ұрпақтың артқы ұрпаққа арнап қалдырған рухани өсиеті, қаусаған қарттың өмір есігін жаңа ашқан жасқа өлер алдында айтқан ақылы, тынығуға кеткен сақшының өз орнына келген сақшыға берген бұйрығы болып табылады.

— Александр Герцен

кітап, ұрпақ

Тіл — жұрттың жаны. Тілінен айырылған жұрт — жойылған жұрт.

— Халел Досмұхамедұлы

тіл, жұрт

Адамға ең қымбат нәрсе – жұрт қамы, жұрт ісі.

— Ахмет Байтұрсынұлы

адам, іс