- Шашыңызды қалай алайын?
- Үндемей!!!

Ілмектер: әзіл, анекдот, шаштараз

---

---

Бiр жiгiт ұйықтап жатып өлiп кетiптi. О дүниеге барыпты. Ақ сақалды бiр шал отыр екен. Ол жiгiттiң iстерiн таразыға салып өлшеп көрсе күнәсi мен сауабы тең түсiптi. Содан шал жiгiтке сен өмiрге қайтып ораласың бiрақ адам емес тауық немесе жылқы болып, өзiң таңдап шеш дептi. Жiгiт ойланып тұрып жылқы болсам үстiме адамдар мiнедi тауық болайын деп шешiптi. Сонымен бiр кезде қараса тауыққорада екен. Адамдар бiр тауықтардың басын шауып жатыр екен. Жiгiт қасындағы тауықтан неге екенiн сұраса тумаған соң шауып жатыр дейдi. Құрсын мен де туайын деп бар күшiмен кушенсе бiреу бетiнен салып қалыпты. Көзiн ашса әйелi тұр екен. Сүмелек бұтыңа жiберiп қойдың гой деп айқай салыпты.

Ілмектер: анекдот, адамнын өмірі туралы

---

---

Апа, неге осы қазақтың келіндері орамалсыз жүрмеуі керек?
– Е, жарығым! Əйел орамал тақпаса – арын ұмытады. Күйеуінің барын ұмытады! Шашы – тамаққа түседі, өзіне келген қонақтың назары түседі.
– Ал, сəлем салмаса ше?
– Сəлем салмаса – өзін сыйлайтын қайын ата, қайын ағадан айырылады, тегін батадан қайырылады!
– Келін міндетті түрде униформа (халат, ұзын көйлек, орамал) киіп, келін боп шауып жүруі керек пе?
– Қыз қалыптан əйел болуға көндіретін ол – сəлемі, жат жұрттың алдындағы əдебі! Қыз күнін қиып, қыдыруын тиған – қатын болады! Қатын болған адам – қазанға, отқа жақын болады. Құрсағын кеңітіп, бала тапқан – кең болады! Алпыс екі тамырын иіткен ана болады! Басқа салғаннан ой түйіп, тағдырына бас игенге құдай өзі пана болады! Үлкеннен көргенін бойына сіңіріп, өзі де сол əулетке сіңген келін – дана болады!
– Ой, қазір жастарды емес үлкендерді тəрбиелеу керек сияқты ғой!
– Бүркіт көзіне көрінгенді алмайды, көңілдегісін алады. Ақылды атаның баласы ерегіспей, тектілігіне салады. Көргеніңе көз жұм да, көңілдегіңді істе!
– Бəрін бір келін байғұсқа жүктейді қазақ!
– Е, балам! Жақсы келін ата-енесін бағады. Ата-анасы ұнатқанды – отағасы жылатпайды! Кемінде алты бала тапқанның не айтса да сөзінің құнары болады, қамықса – қарайтын “шырағы” болады. Аз бала тапқанның тыпыршып айтар “ұраны” болады. Көп баласы бардың – шөлдетпейтін бұлағы болады. Əйел – келін болмаса, керім болмайды. Ана болмаса, ене болмайды. Ене бола алмаса – əдепті келіні жəне болмайды!
– Бəрі əйелге байланысты емес қой. Ер азамат та жəрдем беруі қажет!
– Дұрыс! Азамат таппаса – ақшада береке болмайды! Дүние тапқанмен, баққаны көше болса – екі дүниеде сорлайды! Еркегі үйіне қонбайтын үйдің – қызы етегін жаппайды, еркіндік сақтайды. Қылық сақтап, қымсынбайды. Айналасын жинайын деп ұмсынбайды! Ұлы – ұсақтау, бəдік болады, қатындардың тірлігіне қанық болады! Əйелі ашынып жүреді, бір ысып, бір суып, басылып жүреді. Көршімен əңгімешіл боп, үйі бықсып, шашылып жүреді. Ондай əйелден – əдеп сақтар жар, салиқалы ана шықпайды.
Еркекті ерітетін де – əйел, жерітетін де – əйел! Беделін биік қып, абыройын кемітетін де – əйел! Əйел жұмсақ болмаса – ер далаға қашады. Далада жүріп көп былыққа араласады. Араласқан соң – тапа тал түсте сөз таппай сасады, əрнəрсені сылтау ғып, өтірік ғайбат шашады. Əйелі жақсының ағайыны айналасында жүреді. Ұрпағы ізетті болады.

Ілмектер: анекдот, адамның өмірі туралы, келін, қыз

---

---

- Ата, осы сіз ғой феодализм кезінде де, енді, міне, капитализм де өмір сүріп келесіз. Шыныңды айтыңызшы, қай заманда өмір сүрген жақсы екен?
- Е, несін айтасың балам, бай болсаң - феодализмде, кедей болсаң - социализмде, ұры болсаң - капитализмде өмір сүрген жақсы депті атасы.

Ілмектер: заман, ата, бала, анекдот, күлдіргі әңгімелер

---

---

Араққа тойып алған мас ,көшеде COCA-COLA ішіп тұрған балаға, СOLA ішпе, бүйрекке зиян,-депті .

Ілмектер: анекдот, Жарасбекова Айжан, әзіл-қалжың

---

---

Бір күні Қожанасыр досының үйіне қонаққа келіп, қайтайын деп жатқан кезде жаңбыр қатты құйып кетіпті.
Досы:Қожеке ,біздің үйде түней тұрсаңшы, жаңбырдың астында қаларсың. -деген ғой

Қожекең келісіп, жаңбыр жауғанына қарап тұрайын дейді.
Досы үйіне кіріп кетіп , біраздан соң шықса Қожекең үсті басы су су болып келіп тұр екен .
Досы : қайда барып келдің ?десе,
Кожанасыр: үйге барып ,бәйбішеме сенің үйіңде түней тұратынымды айтып келдім. -депті.

Ілмектер: анекдот, Жарасбекова Айжан, әзілдер

---

---

Есек пен түлкі әңгіме барысында шөптің түсіне қатысты сөзге келеді. Түлкі шөпті жасыл десе, есек сары дейді. Осылайша біраз сөз таластыра отырып, шешімге келе алмаған соң аң патшасы - арыстанға келеді. «Патшам, сізден төрелік сұрап келдік. Есек екеуміз таңнан бері айтысып отырмыз. Ол шөптің түсін сары дейді, ал мен жасыл деймін. Шынайы төрелігін сіз айтыңызшы»,- дейді түлкі. Арыстан ойлана отырып, нөкері қасқырларға: «Есекті еркіне жіберіңдер, ал түлкіге 30 дүре соғыңдар»,- дейді. Сонда түлкі: «Патшам, меніңкі дұрыс емес пе, шөптің түсі жасыл емес пе?!»,- дейді. Арыстан: «Иә, шөптің түсі жасыл, менің берген жазам сеніңкі дұрыс болмағаны үшін емес. Есекпен сөз таластырғаның үшін»,- деген екен.

Ілмектер: есек, түлкі, анекдот, әзіл

---

---

Үш науқас
Бір күні ауруханаға жұмыс сапасын, адамдардың ауруынан айығуының қандай деңгейде екенін көру үшін арнайы тексеру үшін мамандар жіберіледі.Тексеріс кезінде науқастарға жауапты адам жол көрсетіп, бір бөлмеге кіреді. Бұл бөлмеде үш псих отырады.
-Міне, біздің ауруынан айығып келе жатқан науқастарымыз.
-Ал,енді бұны,қарап көрейік,қазір...- деп, отырған үш адамға бұрылады.Үшеуі де жан-жағына жалтақтап қарай береді. Біріншісіне сұрақ қойғалы жатып, сұрағын іштей ойланып: «Көбейтуден қойсам ба екен? Жо-жоқ, ең оңайы қосудан сұрақ қойып көрейін»,- деп:
-Екіге екіні қосқанда неше болады? - дейді. Сонда бірінші науқас:
-Он мың болады - дейді тістерін ақсита көрсетіп. Тексеруші:
-Аа, солай ма, әйтеуір, цифр айттың ғой. Ал енді сені көрейік. Екіге екіні қосқанда неше болады? - деп сұрағын қайталайды.
-Ол да сөз боп па, қазір, ы-ы-ы-ы...О,таптым!- «Сәрсенбі» шығады деп жауап береді.
-Иә, сіздерің емдеуде қандай дәрежеде екені және науқастардың халі де нашар екені көрініп тұр, оны айтпаса да белгілі! - деп сөзін қадап-қадап айтты. Жауапты адам:
-Енді, қолымыздан келгенше барлық амалын жасап жатырмыз.
-Жарайды, енді үшінші науқасымызды көрейік - деп оған да сұрағын қайталайды.
-Төрт шығады!- деп, бірден жауап береді. Бәрі таңырқай қарап, одан үміт күткендей, ауруынан айығып келе жатқанына көзі жеткендей қуанып кетеді.
-Оны сен қалай таптың?- дей бергенде, науқас теңселіп отырып:
-Енді дұрыс емес пе? Он мыңға сәрсенбі қосқанда төрт шықпай ма? - депті тексерушінің бетіне жымия қарап!

Ілмектер: Анекдот, Әзіл әңгіме

---

---

Бір қожайын жаңадан алған үй қызметшісіне:
— Бақшаға барып шалқан жұлып әкел, — деп әмір етеді. Малай шығып кетеді де бірнеше түп шалқан жұлып әкеледі.
— Өй, кеще! «Шалқан жұл» дегенімді — «Шалқанды жұлып әкелсем болды» деп түсінгенің бе?! Жұлған соң оны тазалап жуып, турап, одан соң оған қаймақ құйып, үстіне аскөк сеуіп әкелмейсің бе?!
Сол күні қожайын аяқ-асты ауырып қалады да, малайын дәрігер шақыруға жұмсайды. Кешке қарай бір-ақ оралған қызметші:
— Тапсырмаңыз түгел орындалды. Дәрігер шақырдым. Дәрі-дәрмек алдым, табыт жасауға тапсырыс бердім, зираттан қабір қаздырып қойдым! — депті.

Ілмектер: бай, қожайын, қызметші, дәрігер, анекдот, прикол, әзілдер, Қазақша анекдот, анекдоттар

---

---

Әрбір шеккен темекі өмірімізді екі сағатқа қысқартады, әрбір ішкен арақ өмірімізді үш сағатқа қысқартады, ал әрбір жұмыс күні өмірімізді сегіз сағатқа қысқартады.

Ілмектер: өмір, темекі, арақ, сағат, жұмыс, анекдот, прикол, әзілдер, Қазақша анекдот, анекдоттар

---

---