Кіру Тіркелу
Өлең, жыр, ақындар
  1. Негізгі бет
  2. Халық әні

Ілмек бойынша іздеу

Мақалалар (1) Өлеңдер (870)

Ал қара кер

Қаратау, бауырың жазық, басың биік,
Сен сонда мекендеген, әй гәй-гөй.
Ерке киік риай-ау.
Қара кер болдырса да тағатым жоқ,

Толық

Ал қаракөз

Барады аулым көшіп сарымсаққа-ай,
Шыбын жан шықпайды екен сағынсақ та-ай.
Келмеді қыста хабар, жазда хабар-ай,
Сарғайып елесіңе табынсақ та-ай.

Толық

Ал, бұлбұл әнім

Біздің жақтың жолықсаң еркесіне,
Қарамайды тоныңның келтесіне.
Ал, бұлбұл әнім,
Заулатшы-ай, жаным-әй.

Толық

Ал, жаным-ай

Өлең деген немене өнерпазға,
Өлең тұрмақ сөз қиын, ал, жаным-ай, ақылы азға-ай-ау.
Көтерелік көңілді өлең айтып-ау,
Кім бар, кім жоқ ендігі, ал, жаным-ай, келер жазға-ай-ау.

Толық

Ал, құрбым

Өлеңді айта алмайды жаман адам, ал, құрбым, жан сәулем,
Қуанар малы-басы аман адам, ала жүр, құрбым, шеніңе-ау.
Үйімде ашты-тоқты отырамын, ал, құрбым, жан сәулем,
Тек жүрсе аман-есен бала-шағам, ал, құрбым, шеніңе-ау,

Толық

Алай көк

Жақсы сөздің басында болмасын дақ, Алай көк,
Бір жаманға басыңды алма шатып, Алай көк.
Бір жаманға басыңды алсаң шатып, Алай көк,
Өле-өлгенше кетпейді-ау жаман атақ, Алай көк.

Толық

Алгак

Қарақат көзді, сүмбіл шаш,
Пісте мұрын, түйме бас.
Алыстан аңсап келгенде,
Ләззәтпен, сәулем, аузыңды аш!

Толық

Алкүрең

Дәйім менің мінгенім Алкүреіңім-ей,
Шілдедегі құрақтай балдыр едім.
Алкүрең алма мойын,
Сізде еді менің ойым-ай.

Толық

Алқоңыр

Еркем-ай, дәнекерсің айнадағы,
Шашақсың жалаулатқан найзадағы.
Жаратқан ақ боз аттай сылаң қағып,
Бейуақыт сейілге шық жайна-дағы.

Толық

Алқызыл

Алқызыл көрінеді қашқан түлкі,
Қайда қалмас жігіттің жиған мүлкі.
Ойда тұрып жоғары қол сермеймін,
Көңілі шіркін болсын деп көтеріңкі.

Толық

Алла жар

Өлең басы бісміллә деп айтайық, ай,
Жарасымсыз жаман сөз неге айтайық.
Алла жар.
Бәрімізді жаратқан Жаппар Құдай, ай.

Толық

Алма жай

Асыл қайрақ, ендеше, асыл қайрақ, оу,
Жүруші едік тепсеңнің басын жайлап.
Алма жай,
Алма жай, қарғам,

Толық

Алма мойын

Дәйім менің мінгенім шұбалаң кер-ей,
Қос сақина қолымда бұрама зер-ей.
Ей, алма мойын-ай.
Боз аттың болды-ай талай былқылдағы,

Толық

Алматы мен Қоғалы-ай

Дүние өтеді тағы да, дүние өтеді, ахоу,
Оймақсыздың қолынан ине өтеді, әләулім-ай.
Күлің барда күнде ойна, мынандайда, ахоу,
Сұм жалғанның түбіне кім жетеді, әләулім-ай.

Толық

Алтай

Мұнартып кәрі Алтай бұлт ораған,
Алма бетін ақ қарменен сұлу тау опалаған.
Маржан таққан сәукелең шың басыңа,
Ноқат салып таспенен кербез тау шұбарланған.

Толық

Алтын сырға, жез түйме

Кескен ағаш қалады, жеңдей болып-ей,
Қара нөсер келеді мендей болып-ей.
Бәтима-ай,
Алтын сабақ,

Толық

Алтын тау

Алтын таудай жер бар ма жайлағанға-яу,
Асау мініп, жас құлын байлағанға Алтын тау.
Алтын тау,
Қыз-қаршыға,

Толық

Алтынай

Даусы құрғыр қалыпты тарлан тартып,
Жүрмеген соң көп болды өлең айтып.
Алтынай,
Айтайын сөздің салтын-ай,

Толық

Алтыным-ай, күмісі-ай

Барады ауылым көшіп көлме-көлге,
Көлме-көл алыс дейді көрмегенге-ай.
Кетсе де алыс екі-ай, қалқа,
Жаз шығар күн күркіреп өлмегенге-ай.

Толық

Алуаш

Беліме асынғаным бұйда пышақ,
Көрдім де ақ жүзіңді жайдым құшақ.
Ақ Алуаш, отырмысың, жатырмысың,
Айдында жалғыз жүзген аққу құсап.

Толық

Жаңалықтар

Нақыл сөздер

Пікірлер