«Қу мұрт»
Жүзі шырайлы,
Сөзі райлы,
Председатель Жұмайды,
"Қу мұрт" Жұмай деп,
Қылтың-сылтың
Жорыққа шықса жолда қалады,
Жолда қалмаса сонда қалады.
Болпаң жүріс, борсаң келеді,
Мінезі томырық, торсаң келеді.
"Қыл көпір" аузында
Қызыл қасқа ту сиыр,
Өкіреді алақтап,
Жан-жағынан тұр бүгін,
Жеті пышақ жалақтап.
Мезгіл жетті сілкетін
Жылтыр шеке молданың,
Тырсылдайды десбісі.
Маңырайды олжаның
Байлап берген ешкісі.
Өзіміздікі дегенде
Баласы аға шопан Өскенбайдың,
Біреуі жеке малы өскен байдың,
Қойы бар жетпіс алты. бөрі бағлан,
Ішінде көріп қайттық өткен айдың.
Манабайдың маймағы
Майпромға барды да,
Манабайдың маймағы.
Қолына түсті бар сүттің
Жылтыраған қаймағы.
Жиналыстан кім қалыс
Абыл - құбыл Асанов келді,
Жиналыс бітуге тақалып келді.
Сырттың қызуы ма,
Іштің қызуы ма?
Кейбір басшы жолдастар
Кейбір басшы жолдас бар,
Қалтасы толған жөн - жоспар.
Үйден шықса бөтенге,
Ақыл айта келеді.
Құлады да сұлады
Құлан иек таң атты,
Ертеңгі асқа отырды.
Тауысты екі салатты,
Бітірді бір литрді.
Быт көбейді,сыт көбейді
Жексенбі күн Шиеліге —
Баруға атты, түйелі де,
Арба жеккен келіншек те,
Жалқау, қырсау, еріншек те,
Ол чепуха — түк те емес
Құлеке колхоз бастығы,
Дей алмас ешкім құнтты емес,
Болып жүр бітік астығы,
Жүз мыңдап жұмсау түк те емес.
Совещание мен обещание
Келгені жаңа ауданнан,
Көргені жаңа кеңсесін.
Хабарсыз әлі мал-жаннан,
Жиған жоқ әлі еңсесін.
Шіркін келін
Өтесің - ау, осылай шіркін келін,
Бір күн басың ауырып, бір күн белің.
Ши тірсегің сидиып шыбыртқыдай,
Таусылмай-ақ бара жатыр зіркілдегің.
Оң тірсекке соғып жүр сол тірсегі
Күйгенше ішіп арақты өндіршегі,
Зор мәртебе деп жүр ғой ол бір тегі.
Өндіршегін өртетіп, өле ішкеннен,
Бір тиындық бір нәрсе өндірсе еді.
Н... келінге
Күнде үйіңнен шығасың ширатылып,
Қалсын дүниең бәрі бір қиратылып.
Қазаныңның қақпағын итің жалап,
Қасықтарың, жатады қиға асылып...
Есіл жігіт
Бір жігітсің әйелден салуың жоқ,
Береке жоқ, дүниені табуың көп.
Бүтін көйлек үстіңе бір түспеді,
Көйлек кисең ия жағаң, шабуың жоқ,
Пікірлер
-
Ерлан
Керемет -
Жанайым
қызық екен! супер -
Гүлнұр Қасымханқызы
Тәуелсіздік еліміздің тірегі Қабыл болған қазағым... -
Инжу
Жарысқа қатысу
- Narsha Bulgakbaev Нарша Булгакбаев
-
- Габриэль Гарсиа Маркес
- Альфред Адлер
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі