Ерді қорласаң, састырар,
Асты қорласаң, құстырар.

Ілмектер: ер

---

---

Ер жігіт — бір күнде бір кісілік,
Бір күнде мың кісілік.

Ілмектер: ер, жігіт

---

---

Түпкі айылдың батқанын
Иесі білмес, ат білер.
Ер жігіттің кәдірін
Ағайын білмес, жат білер.

Ілмектер: ағайын, жат, ер

---

---

Ердің атын не аты шығарар,
Не қатыны шығарар.

Ілмектер: ер, қатын

---

---

Ер басына дау келсе,
Ерлігі кетер басынан.
Би басына дау келсе,
Билігі кетер басынан.

Ілмектер: ер, би, дау

---

---

Ерді жаяулық емес
Қаяулық аздырады.

Ілмектер: ер, жігіт

---

---

Ер жаңылып қолға түсер,
Құс жаңылып торға түсер.

Ілмектер: ер

---

---

Ырысқа қарай, ер өсер,
Қонысқа қарай, мал өсер.

Ілмектер: ырыс, ер, қоныс, мал

---

---

Ер жолдасы — тәуекел.

Ілмектер: ер, тәуекел

---

---

Ел — ырыстың орманы,
Ер — ырыстың қорғаны.

Ілмектер: ер, ел, ырыс

---

---

Ер басына күн туса,
Ереуіл атқа ер салар.

Ілмектер: ер

---

---

Ер жігіт үйінен шықса, үйіріне қосылар.

Ілмектер: ер, үй

---

---

Жоқшылық жомарт ердің
Қолын байлар.

Ілмектер: жомарт, ер, жоқшылық

---

---

Ер айтпас,
Айтса, қайтпас.

Ілмектер: ер

---

---

Алыстан ердің дәрібі бар,
Қасына келсең, баладай.
Алыстан таудың дәрібі бар,
Қасына келсең, обадай.

Ілмектер: ер, бала

---

---

Баланың сегізінде тісі түседі,
Сексенінде ердің ерге ісі түседі.

Ілмектер: бала, ер

---

---

«Ырит шу» деген атанға демеу,
«Әуп» деген ерге демеу.

Ілмектер: ер

---

---

Ер сүйгендей досың болсын,
Жер сүйгіндей қосың болсын.

Ілмектер: ер, дос

---

---

Назыңды ер көтерер,
Ер көтермесе ел көтерер.

Ілмектер: ер, ел

---

---

Етігін шешпей,
Ер тыңаймас.
Ер-тоқымын шешпей
Ат тыңаймас.

Ілмектер: ер

---

---