Ақтың үйі — ақ мешіт.

Ілмектер: үй, мешіт, нақыл, афоризм, қанатты сөздер Бұқар жырау

---

---

Ажал жетпей — жан шықпас.

Ілмектер: ажал, жан, нақыл, афоризм, қанатты сөздер Бұқар жырау

---

---

Қарттарыңды сыйлай біл: күндердің күні болғанда кімдердің белі бүгілмес.

Ілмектер: қарт, сыйлау, сый, нақыл, афоризм, қанатты сөздер Бұқар жырау

---

---

Жаман әйелдің сипаты:
Болмайды сұлу қылықты жаман қатын,
Білмейді оқытсаң да сөздің салтын.
Ілмелеп, салған жерден кекесіндеп,
Қылады ұрыс-жанжал сөздің артын.
Кетеді таң атқан соң өсек бағып,
Қонаққа тамақ бер деп ептеп айтса,
Жүреді теріс қарап жылмың қағып.
Кісіге күле сөйлеп, келмес жанап,
Былшылдар ел көзінше байын талап.
Таусылды қант пен мейіз, ет пен шай деп,
Қонағын қыстай келген бәрін санап.
Сыпырмас үйдің ішін, киіз қағып,
Еш уақыт шаруа қылмас отын жағып.
Тазалық үй ішінде болмаған соң,
Бойыңда қадір-баға қалар нағып.
Орамал жерде жатар кірі батпан,
Салдырап аяқ-табақ қирап жатқан.
Сүтін ішіп, шелегін ит жаласа,
«Кет!» деп еш айтпайды құдай атқан.

Ілмектер: әйел, сипат, нақыл, афоризм, қанатты сөздер Ақан Сері Қорамсаұлы‎

---

---

Жүрегімнің түбіне терең бойла.

Ілмектер: жүрек, нақыл, афоризм, қанатты сөздер Абай Құнанбайұлы

---

---

...Ләйліге ұқсап көп арулар бізді ұқпас,
Мәжнүн ғана қайғы-шерге қамалар.

Ілмектер: Ләйлі, Мәжнүн, қайғы, шер, ару, махаббат, нақыл, афоризм, қанатты сөздер Әбул-Хасан Рудаки

---

---

Бақыт деген – сенің бала күндерің,
Бақытсыз-ақ бақытты боп жүргенің.

Ілмектер: бақыт, бала, балалық шақ, нақыл, афоризм, қанатты сөздер Мұқағали Мақатаев

---

---

Жақсы адам ғана жақсы басшы бола алады.

Ілмектер: Жүсіп Баласағұни, нақыл, афоризм, адам, басшы Жүсіп Баласағұни

---

---

Суытпа босқа түсіңді
Қайрама онша тісіңді.
Сырт тазасы не керек,
Тазарт әуел ішіңді.

Ілмектер: тазалық, нақыл Үмбетей Жырау

---

---

Адамның түзу жолға түсуінің бірінші шарты — өзін-өзі тексеру, өз қатесін көре білу, келешекте сол қателікке жол бермеуге ұмтылу.

Ілмектер: қателік, нақыл, афоризм Мағжан Жұмабаев

---

---

Тұранда Түркі ойнаған ұқсап отқа,
Түркіден басқа от боп жан туған ба?
Көп түркі енші алып тарағанда,
Қазаққа қара шаңырақ қалған жоқпа.

Ілмектер: қазақ, нақыл, афоризм Мағжан Жұмабаев

---

---

Ұстаздық еткен жалықпас, үйретуден балаға.

Ілмектер: ұстаз, бала, нақыл, афоризм Абай Құнанбайұлы

---

---

Айтқан сөзге тұрмаған – жаман емей немене,
Сұрағанды бермеген – сараң емей немене,
Кісі ақысын көп жеген – арам емей немене,
Сыртыңдағы қулығың – амал емей немене,
Сусағанда берген су – шекер емей немене,
Ынжық ерге біткен мал – бекер емей немене?!

Ілмектер: сараң, жаман, арам, амал, бекер, нақыл Бұқар жырау

---

---

Елін сүйер сеніңіз,
Өз отбасын сүйе алған.

Ілмектер: ел, отбасы, нақыл, сүю Қасым Аманжолов

---

---

Қазақ дәстүрі тек ата-ананы ғана емес, жалпы адамды сыйлауға баулиды.

Ілмектер: дәстүр, ата-ана, сыйлау, нақыл Ғабиден Мұстафин

---

---

Адамға екі нәрсе тірек тегі:
Бірі – тіл, бірі – ділің жүректегі.

Ілмектер: адам, жүрек, нақыл, афоризм Жүсіп Баласағұни

---

---

Денсаулық — ең ұлы қазына, басқалар оның алдында ештеңе емеc.

Ілмектер: Денсаулық, қазына, нақыл, афоризм, қанатты сөздер Артур Шопенгауэр

---

---

Жалған сөз – ауру, шаншудай,
Әділ сөз – шипа, жанға жай.

Ілмектер: шипа, шындық, нақыл, афоризм Иүгінеки Ахмед

---

---

Жаман кітап — рухани идеямызды бүлдіретін улы дәрі.

Ілмектер: жаман, кітап, рухани, идея, у, дәрі, нақыл, афоризм, қанатты сөздер Артур Шопенгауэр

---

---

Әз Жәнібек хан ноғайлы жұртымен бірге, қалмақ елін де қоса билеп тұрады. Ол ел тағдырын он екі бимен ақылдасып шешіп отырады екен. Бидің үлкені баяғы Жиренше. Бұл ердің білгірлігін сынағыш хан бір күні:

- Әу, Жиренше! Адам қалай қадірлі болады? - дейді.
- Қадірлі болғысы келген адамға үш жолдас керек, - дейді Жиренше табан астында.
- Иә, қандай жолдас?
- Бақыт, дәулет, ырыс.
- Ал басқа пәле қайдан?
- Басқа пәле тілден.
- Кәріліктің белгісі не деп білесің? - дейді хан.
- Қаратауға қар жауар.
- Қарсы алдынан жел тұрар, - дейді Жиренше.
- Қыз алған қалай?
- Қыз: "өзің білесің" дер.
- Жеңге алған қалай?
- Жеңге: "өзім білем" дер.
- Жесір алған қалай?
- "Балам білер" дер.

Бас биінің білгірлігіне хан осылайша тәнті болады екен.

Ілмектер: пәле, кәрілік, нақыл, афоризм Жиренше шешен

---

---