Бесіктегі баланың
Күлгенін көрген бір мұрат.
Алдынан түсіп ананың
Жүргенін көрген бір мұрат.

Ілмектер: бала, бесік, ана

---

---

Ананың алды — ақ жайлау.

Ілмектер: ана, бала

---

---

Мылқаудың тіліне анасы түсінеді.

Ілмектер: ана, бала

---

---

Бала —
Ананың бауыр еті, көз нұры.

Ілмектер: бала, ана

---

---

Малды баққан өсірер,
Баланы тапқан өсірер.

Ілмектер: мал, бала

---

---

Ата-ананың қадірін
Балалы болғанда білерсің;
Ағайынның қадірін
Жалалы болғанда білерсің.

Ілмектер: ата-ана, бала, ағайын, туыс

---

---

Торғай
Жаңбыр жауса,
Баласын қорғайды;
Бұршақ жауса,
Басын қорғайды.

Ілмектер: құс, бала, жаңбыр

---

---

Баланың өзі болғандай,
Келіннің өзі келгендей.

Ілмектер: ата-ана, бала, келін

---

---

Ана жақсылығын,
Ауырсаң білерсің.
Қайын жақсылығын,
Қыдырсаң білерсің.

Ілмектер: ата-ана, ана, ауру

---

---

Жалғыз баласы атқа шапса,
Атасы ауылда тұрып
Тақымын қысады.

Ілмектер: ата-ана, бала, ата

---

---

Ананың көңілі балада,
Баланың көңілі далада.

Ілмектер: ата-ана, ана, бала

---

---

Анасын сүйгеннің
Баласын сүй.

Ілмектер: ана, бала

---

---

Көңілдінің үйінде
Күнде мейрам, күнде той.

Ілмектер: той

---

---

Тойға барсаң, бұрын бар,
Бұрын барсаң, орын бар.

Ілмектер: той

---

---

Шақырусыз тойға барғанша,
Шарығыңды ки де, қойға бар.

Ілмектер: той

---

---

Аты, тоны сай кісі,
Жиын, тойға барысар,
Ұлы, қызы бар кісі,
Құдалыққа барысар.

Ілмектер: той, құдалық

---

---

Асқа барсаң — аш бар,
Тойға барсаң — тоқ бар,
Той қызығы — көкпар.

Ілмектер: той

---

---

Той сылтауымен тон бітті.

Ілмектер: той

---

---

Тойда тоныңды сұрама.

Ілмектер: той

---

---

Әшейінде ауыз жаппас,
Той дегенде өлең таппас.

Ілмектер: той, өлең

---

---