Кітап оқудың пайдасы

Кітап ақылына ақы сұрамайтын алтын қазына.

Әлішер Науаи

Осы сынды кітап туралы бірнеше құнды пікірлерді сіз де жақсы білесіз. Расында қай ғасырда да кітаптың алатын орны бөлек. Кітап кемелденуге көмектеседі. Қаншама технологиялар шығып жатыр. Бірақ бұлардың бәрі кітапты алмастыра алмасы анық. Оқыған адамның күні қашан да жарық.

1.Кітап оқу сөздік қорды көбейтеді.

Сөздік қордың көбеюі және әдемі сөйлеу-өзіңе деген сенімділікті арттырады. Дұрыс сөйлей білу өмірдің барлық сферасына керек дағды. Көптеген спикерлердің айтуы бойынша, сөздік қоры көп адамдар жұмыс сатысына өзгелерден қарағанда жылдамырақ көтеріледі.

2.Кітап оқу адамды тыныштандырып қана қоймай, ағзадағы стресс мөлшерін азайтады.

Күйбең тіршіліктен бір сәтке арылып,кітап әлеміне кіріп тыныға аласыз. Зерттеулер бойынша, кітап оқу стресс деңгейін 68% төмендетеді екен. Ал бұл миға бақыт гормондарын сыйлайтын нәтижелі процесс.

3.Кітап оқитын адамдар сезімтал келеді.

Кітап әлеміне кірген адам, сол жердегі кейіпкерлердің сезімін, ой-толғауын сезіп, байқайды. Ал бұл дағды өмірде адамдармен жақсы тіл табысуға септігін тигізеді.

4.Кітап оқу-есте сақтау қабілетін жетілдіреді.

Оқып жатқан шығармаңыздың мәнін түсіну үшін кейіпкерледің есімін, мінез-құлқын, олардың мақсатын анық біліп алуыңыз керек. Ал осы мәлімттерді  қабылдау миға қызықты практика. Бір қызығы, әрбір есте сақталған ақпарат нейрондық жүйенің жұмыс күшін арттырып, көңіл-күйді бірқалыптандырады екен.

5.Кітап оқу- адамды білімді қыла түседі.

Күнделікті кітап оқу жаңа ақпаратты әкеледі. Ал күн сайын жаңа нәрсе біліп отыру өзіндік пікіріңізді қалыптастырады, әлемге деген көзқарасыңызды өзгертеді және ойлау деңгейіңізді шыңдай түседі.

6.Кітап оқу жаңа идеялар сыйлайды.

Елестетіп көріңіз: өзіңізге ұнайтын кітапты оқу барысында, миыңыз жаңа идеялармен толығып жатыр. Керемет сезім. Кейбір суретшілер, мүсіншілер, хореографтар әдеби шығармаларды оқып шабыттанған. Сол секілді, сізге де жаңа идеялардың жиынтығы артық етпейді.

Оқуға кеңес береміз:

Адам балалық шағында қаншалықты көп оқыса, есейгенде соншалықты бай болады

«Вавилондағы ең бай адам» кітабы

Бай болу үшін оқылуы тиіс 10 кітап

Баланы кітапқа баулу

Кітап оқудағы кейбір ережелер

Әлеуметтік желілерде бөлісіңіз: