“Ауыл газеті”-ауыл жанының жылнамасы

      Ауыл тілі газеті-жетілік шаруа газеті деп аталып, 1926-1929 жылдар аралығында Қазақстанның сол кездегі астанасы Қызылорда қаласында шығып тұрды.Газет Қазақстан Өлкелік партия Комитетінің,Орталық Атқару комитетінің Кәсіпшілер Одағы және Сырдария Губерниялық Комитеті мен Атқару Комитетінің органы болды.

      “Ауыл тілінің” алғашқы нөмірі 1926жылдың 27 шілдесінде жарық көрді.Тұңғыш нөмірінде “Оқушыларымызға” деген мақала жарияланды. Газеттің алғашқы редакторы КирЦИК-тің төрағасы Жалау Мыңбаев болды.Кейін редактор болып Өлкелік Атқару комитетінің төрағасы Елтай Ерназаров бекітілді.

     “Ауыл тілі” газеті – ауыл өмірінің болмысын, тұрмыс-тіршілігін, мұң-мұқтажы мен қуанышын шынайы жеткізетін қоңыр үнді басылым. Бұл газет ауылдағы әрбір өзгеріс пен жаңалықты, ,ауыл шаруашылығы, егін, диқаншылық кәсібі,жер-су мәселесі ,қоныстандыру жұмысы ,шаруаны оңдау шаралары, мал өсіру, оны түрлі індеттерден қорғау, еңбек адамдарының жетістігі мен өмірлік тәжірибесін қалың оқырманға танытты.Газет ауылдың өзекті мәселелерін талқылап, шешім жолдарын ұсынуға ықпал етті.Жергілікті билік пен тұрғындар арасында байланыс орнатуға, халықтың ұсыныс-пікірін жеткізуге мүмкіндік берді. Әсіресе, ауыл мұғалімдері, дәрігерлері, шаруа қожалықтарының иелері сияқты қоғамның белсенді топтары үшін газет маңызды ақпараттық алаң болып табылды.

      Газет жұмысына көрнекті жазушы журналистер белсене қатысты.Ауыл тілінде С.Сейфуллин, І.Жансүгіров, Б.Майлин ,Ж.Аймауытов, М.Дулатов ,Ғ.Мүсірепов С.Мұқанов, Ж.Сыздықов ,Ө.Тұрманжановтың өлеңдері, әңгімелері,мақалалары ұдайы жарияланып тұрды..

      Газеттің “Кеңестер Одағында”, “ Шет жұрттарда”, “Ауыл тұрмысы”,“ Денсаулық сақтау” деген айдарлары болды. Кейінірек “Заң бөлімі”,“Партия істері” бөлімін ашты. Түрлі хабарлар “Хат хабарлар”, “ Қазақстан елінде”, “ Ел тілшілерінің аттарынан”,“Гүбірнелерде” деген айдарлар ашылды.

    “Ауыл тілі” – туған жердің тынысын танытатын, ауылдың үнін жеткізетін, ұлттық құндылықтарды дәріптейтін маңызды басылым. “Ауыл тілі”өз кезінде ауыл еңбекшілерінің санасын оятып, оларды кеңес жолына тартуда көп игі істер атқарды.

Пайдаланылған әдебиеттер:
Қазақ журналистикасының тарихы:Қ.Аллаберген,Ж.Нұсқабайұлы ,Ф.Оразаев

Орындаған: Құлмырза Шапағат ҚазҰУ- дың 1-курс студенті.

Ғылым жетекшісі:фил.ғ.к., доцент Р.С.Жақсылықбаева.