Өлең, жыр, ақындар

Волокалам тас жолы

  • 26.05.2019
  • 0
  • 0
  • 1936
28 Панфиловшыларға

Жол іздедім алуан жолдын, ішінен,
Неге іздедім, өзім ғана түсінем.
Аппақ шашын күздің желі желпіген,
Жөн сұрадым жалғыз ғана кісіден.
Жөн сілтеді, аялдамай жөнелдім.
Қасымда тек жан серігім өлеңім.
Бір аяулы, сағынышты жақынға
Бейне ыстық сәлем бере келемін.
Келдім міне... кеттім бойлап, жаяулап.
Бірде жедел, бірде барлап, баяулап.
Көлденеңге, бәлкім, ерсі көріндім
Жүрген жандай сезім қуып, ой аулап.
Жата қалып, жан достарым, бұл шыным,
Қара бұйра топырағын бір сүйдім.
Бауырлардың қаны сіңген, қайран жер,
Түсінбедің, әлде мұны түсіндің?!
Ерлік жолы, даңқ жолы мәңгілік,
Жатты алдымда күнге тесі шағылып,
Қиялымда осы жолдың бойымен
Өтті жылдар, батыр ұлдар ағылып.
Кез еді бұл күн жиекке ұласқан,
Атлас шапан астарындай тұрды аспан.
Батырлардың топырағынан жаралған
Көңілімде әкеттім бір жыр-дастан.



Пікірлер (0)

Пікір қалдырыңыз

Сырдариямен сырласу

  • 0
  • 0

Ассалаумағалайкум, Сыр данышпан,
Тағы да тарттың мені ту алыстан,
Шарт етіп шаңқай түсте сені тапты
Кеудемнен сағыныш толқын зулап ұшқан.

Толық

Тұралы мен әкесі

  • 0
  • 0

Жиылыс ұзап тарады
Қайтты үйіне Тұралы.
— Не мәселе қаралды? —
Деп әкесі сұрады.

Толық

Ұста

  • 0
  • 0

Алтайдың асылдарын соққан ұста,
Алмаған екі көзін оттан ұста,
Төс темір, қара көрік, батпан балға —
Аузымен қызыл жалын қапқан ұста.

Толық

Қарап көріңіз