Өлеңдер Бөлімі

Алаштың жанашыры (Міржақыпқа арнау)

«Ел баласы» деп оны атап кеткен,
Перзенті ғой елімнің ол ертеден.
Алыстан «Алаш!» десе аттанатын,
Алаш үшін жанын да құрбан еткен.

Екі жылдай молдадан хат таныды,
Өз бетінше білімін толықтырды.
Орыс тілін үйреніп ұстазынан,
Орыс – қазақ мектебін тамамдады.

Күрт күшейді даламызда отаршылдық,
Қалың елге тудырды көп қиындық.
Алашымның елжанды жандарымен
Көп кешікпей тудырды наразылық.

Күресудің жолдарын қарастырды,
Түйінін іздеп мәселенің көп ойланды.
Ақыры шешімдері айқын болып,
Оқуға қазағымды ұмтылдырды.

Жанында Ахаң* да жүр досы болған,
Қиын кезде Алашына қолын созған.
Миы ашыған, сүйек қалған қазағыма,
Тәлім беріп, көңілге ой қалдырған.

Алайда, бұл отаршылға ұнамады,
«Елім!» деген ерлерді қамауға алды.
Алаш үшін күрескен Міржақыптай,
Батырларды атуға бел буады.

Күресті, көп күресті Алаш үшін,
Аянбады, сарқыды барлық күшін.
Жазаға тартылса да, мұра тастап,
Аманатын қалдырды біздер үшін!

Ахаң*-Ахмет Байтұрсынұлы


Қарап көріңіз


Пікірлер (0)

Пікір қалдырыңыз

×