Өлең, жыр, ақындар

Тіс дәрігеріне

  • 17.11.2020
  • 0
  • 0
  • 3033
Салқын қанды, сұрғылт түсін бұзбаған,
Күн кешемін мына әлемде сыздаған.
... Түсі жақсы жан едіңіз жайдарлы,
Тістің жайын айтыңызшы, сіз маған!

Жалтақтықтың жағасына түстеніп,
Жүрген жанмын, тексіздерге тістеніп.
Айналама аңтарылып, таңырқап,
Мен жүремін шет-шегі жоқ түс көріп.

Тірлігінде жұлдызы бір жанбаған,
Мені көрсе мұңаяды маң далам.
... Күштеп алу мүмкін емес жағдайда,
Тістеп алған жанды көріп... таңғалам!

Таныдым ба, оңым менен солымды,
Топқа түсіп сөз айттым ба толымды?
Ақыл тісім бола тұра маржандай,
Ақылдылар күнде кескен жолымды.

Халық құдай көріп жүрген кісінің,
Өзгергенін байқадың ба түсінің?
Шырылдаған шерлі даусын ұнатпай,
Шырт түкірді, арасынан тісінің.

Тәубесінің тор төбелі жоғалған,
Ағайыннан әлі алғысым жоқ алған.
... Жөндем жауап ала алмадым, дал болдым,
Тісі сынып, сақау болған қоғамнан...



Пікірлер (0)

Пікір қалдырыңыз

Мендік шыдам үзіп кетер шылбырын...

  • 0
  • 0

Қатыгездің қанған кезде құмары,
Жүрегіме бар әлем кеп тұнады.
Ар мен дардың алаңына айналған,
Менің жаным – шыдамдылық сынағы.

Толық

Алаш көгі күрсініп…

  • 0
  • 0

Асқақ еді тұлғаңыз, асқақ еді,
Қиялымды қияға бастап еді.
Мың шық тұнып сезімнің сеңгіріне,
Тұншықтырып кеттіңіз жасқа мені.

Толық

Киік лағы

  • 0
  • 0

Қалайша елжіремей тұра алайын,
Өзіңде – бар нәзіктік, сірә, дәйім.
Жалғанның жаурадың-ау желінен сен,
Келе ғой жақынырақ, құралайым.

Толық

Қарап көріңіз