Өлең, жыр, ақындар

Дәл қазір аса қиын шақта жүрмін

  • 15.04.2021
  • 0
  • 0
  • 865
Дәл қазір аса қиын шақта жүрмін,
Я, құдай, ақ тілеуін ақта жырдың.
Менің бір титтей сөзім сенде болса,
Кейінгі ұрпақ үшін сақта, құрбым!
Жан емен бәз біреуді қайталаған,
Толқыған өрт сезімді шайқап ағам.
Жоқ екен мені ешкім керек етер,
Кіреді көңіліме шайтан арам.
Оралмас көктемдерім қайта маған,
Өлеңді кейінгі де айтар адам.
Тірлікте жалғыз қалып, дір-дір етіп,
Шашыма ақ кіргенде ой талаған.
Дәл қазір алай-дүлей кезімдемін,
Ойлап-ақ өлеңімді көз ілмедім.
Кімге дәрі осы күн дәуіт, қалам,
Кімге керек өлмейтін сезімдерің!?
Дәл қазір аса қиын кезде тұрмын,
Өлеңнің жоғалмауын көзде, құрбым!
Мен деген әр адамның көңіліне
Көшіп-қонып жүретін кезбе гүлмін.



Пікірлер (0)

Пікір қалдырыңыз

Қабылдау бөлмесі

  • 0
  • 0

Телефонмен шақырдың келіңіз деп,
Өзіңізге дайын ғой төріміз деп.
Салып ұрып барайын бәрін тастап,
Адамзатқа жетпейтін көңіл іздеп.

Толық

Қадірлі ана

  • 0
  • 0

Қадірлі ана,
Мен сені танымаймын,
Маған тартқан сыйлығың–жарық – Ай, Күн.
Жатқанымда уызға жарымай дым,

Толық

О дүние маған жат емес

  • 0
  • 0

О дүние маған жат емес,
Бұл дүние маған қат емес.
Сүйреп жүр мені әшейін,
Өзім де білмес жат елес.

Толық