Несі айып

Аға дедім, алдыңнан
Өтуді кесіп лайық
Көрмедім де, жол бермедім
Сол үшін тактың ірі айып.
Ұлтымды бастың бетіме,
Жалғадың да «шылықты».
Сол сәтте сізден жүрегім
Тіксіне бір сыр ұқты.
«Тайраңдай басып алдыңнан,
Тайтаңдап өтсем орынды»
Болар ма еді, ағатай,
Ұнатамысың сонымды?
Иығыммен бір қағып
Түспегеннен алдыңа,
«Мәдениетіңіздің»
Аяғы ақсап қалды ма?
Көрмедім көне заманды,
Мен тумай ол өліпті.
Әдеп деген әйтсе де,
Қаныма еріп келіпті.
Ұғынбастан жанымды
Жағымсыз тақтың бос айып,
Аға алдында әдептің
Өзіңіз айтшы несі айып.

---