Өлең, жыр, ақындар

Әке тілегі

  • 17.09.2021
  • 0
  • 0
  • 1745
Қимай сені – кетілдім,
Қызым менің, кекілдім.
Еркелігі қалмаған,
Әлі бала секілдім.
Қызыл гүлім –төрдегі,
Кәусарым-ау шөлдегі.
Сағынам-ау, сені ертең,
... Қинайтыны сол мені.
Лағындай еліктің,
Сені баққа теңеппін.
Бойжеткенің жайында,
Кеш түскені-ай деректің.
Ілестірмей шаңына,
Шапты уақыт тағы да.
... Бағынам да, қайтейін,
Мына өмірдің заңына.
Жанарыңда –мейірім,
Аппақ болсын пейілің.
Тамсанта бер тірлікте,
Ағайынның дүйімін.
Іздеп бақыт дерегін,
Ұғып алғын керегін.
Қолдап жүрсін аруағы,
Ұмай ана, Зеренің.
Алдан бақыт, тосады ән,
Берік болсын босағаң.
Ақ жаулықты ана бол,
Қосағыңмен қоса ағар!..



Пікірлер (0)

Пікір қалдырыңыз

Қара гүл

  • 0
  • 0

Түсінгенге – тағдырында,
Көз жасындай нала жүр.
Шалықтырар жанды мұңға,
Қырда өсетін қара гүл.

Толық

Елу сегіз

  • 0
  • 0

Жаһаннамның жойқын суы тасып ед.
58.
Есіңізде бар ма әлі,
Жазықсыздың жанындағы қасірет.

Толық

Ұяттан күн тұр өртеніп

  • 0
  • 1

Аққудай аппақ дүние,
Жаралған маған, саған да.
Ғаламат отқа күн ие,
Жылуын сыйлар ғаламға.

Толық

Қарап көріңіз