Өлең, жыр, ақындар

Тұңғиық көзімде...

  • 17.09.2021
  • 0
  • 0
  • 444
Сезімімді бағаламағаныңды,
Махаббатымды табалағаныңды,
Өзіңнен көр.
Сені шексіз сүйетіндігімді,
Сен үшін отқа күйетіндігімді,
Көзімнен көр.
Мені мұңға батырғаныңды,
Шарасыздықты шақырғаныңды,
Өзіңнен көр.
Бақытыма сені балағанымды,
Шұғыла болып тарағанымды,
Көзімнен көр.
Биік деуші едім, аласалығыңды,
Кеудеңе толған нала-сарынды,
Өзіңнен көр.
Тұңғиық сынды тереңдігімді,
Сезімге берік ерендігімді,
Көзімнен көр.
Жанымның шамын сөндіргеніңді,
Төбемнен түнек төндіргеніңді,
Өзіңнен көр.
Сені мәңгіге кешіретіндігімді,
Жібек самалдай есілетіндігімді,
Көзімнен көр...
Көзімнен көр!..



Пікірлер (0)

Пікір қалдырыңыз

Шырмауық

  • 0
  • 0

Ұмытпайық – қайырымды, кәдені,
Тектіліктің тамырына жыр құйып.
... Ал, шырмауық гүлмен бірге әдемі,
Жерге шықты жас өскін боп, қылтиып.

Толық

Оқы, менің көзімнен

  • 0
  • 0

Ер ең ғой, еңкеймейтін, байтақ-ерен,
Мен саған бәрін қалай айта берем?
Сен-дағы сырымды ұқсаң айтқызбай-ақ,
Мен-дағы жай табар ем.

Толық

Рас па?..

  • 0
  • 0

Өкінішті сейілтіп,
Қасіретті сұйылтып,
Жолдама алып ертеңге,
Бақтан орын бұйыртып,

Толық

Қарап көріңіз