Өлең, жыр, ақындар

Тұзы жеңіл жыр

  • 27.09.2021
  • 0
  • 0
  • 1071
Ғұмыр бойы пысықтыққа қас едім,
Кеше өзім де бір пысықтық жасадым:
Пысықсың деп айтып салдым бір досқа,
Өмір басқа, дедім тағы, жыр басқа.
Бәрібір деп сыңар танау осқырды,
осыны айтып оспадарсыз дос күлді,
ақын емен деді ол сонсоң, арқалы,
арқалының жүгін бірақ тартамын,
Сен — бұлбұлша салам дейсің тамаша ән,
Мен — нәр бермей қоя аламын қаласам,
бұлбұлға да тамақ керек емес пе?!
Сен, сен, деді ол, жыр жаза алғаның үшін
Кемітпексің біреулердің жұмысын,
тек сол үшін ентігіп кеп алдың дем
періштедей кез боп қалған малғұнмен.
Қайсымыз зор, айтсыншы жұрт дәл білген:
Сен — гүл болсаң,
Нанмын — мен!..
Сөз таппаса салады екен ақын ән:
ылғи өстіп ән салам деп шатылам...



Пікірлер (0)

Пікір қалдырыңыз

Махаббат пен сұлулыққа сенгелі

  • 0
  • 0

Махаббат пен сұлулыққа сенгелі
алғаш тапқан сұлуымсың сен менің.
Сенде бірақ тіршілік жоқ, ең абзал
қуыршақсың қиып тіккен қағаздан.

Толық

Дымқыл жапырақ майыстырып талды иіп...

  • 0
  • 0

Дымқыл жапырақ майыстырып талды иіп,
Жасыл бұта бір-бірінен сәл биік,
Бөбектері секілді осы көктемнің,
Көктем, көктем... тал басына қалды ұйып.

Толық

Салмақсыздық

  • 0
  • 0

Жақсылық — жас,
Жылдар жаңа,
күн өзге:
ердің даңқы дарыды енді бір езге...

Толық

Қарап көріңіз