Өлең, жыр, ақындар

Бошай кітапбаевтың айтқаны

  • 04.11.2021
  • 0
  • 0
  • 710
Ән көтеріп тұрғандай­ақ бұл ғалам,
Әншілерге жақын жүрем бір табан.
Сұлу саздың керектігін байқадым
Басқарма боп жүрген кезде тыңдаған.
Ән «Жезкиік» аруағын асырды,
Әуелетті, бүкіл қазақ бас ұрды.
Қан майданда қалған аяқ жұрнағы
Сырқыратқан өз күйігім басылды.
Талай тыңдап арасында жастардың,
Елтіп, балқып, сау күнімде мастандым.
Той­думанда қайта­қайта айтқызып,
Кейде өзім дирижер боп басқардым.
Біздің ауыл сән құраса шалқып тым,
Тірі жанды ән сүюге тартыппын.
Адам түгіл, «Жезкиікті» тыңдатып,
Сиырлардың сай­сүйегін балқыттым.
Ән әуені өңмеңімнен өтетін,
Мал да болса емшегі иіп кететін.
Өзіме де мінез бітті фермаға
Сиыр сауған кезден қалмай жететін.
Сауыншылар тапты қырғын жеңісті,
Ән қосылған балғын сүтті ел ішті.
Біздің табыс құпиясын естіген
Өлке, өңір тәжірибе бөлісті.
Қырық керуен кербез әннің бір қыры,
Сылқым серуен қырда киік бүлкілі.
Жер сұлуы қос жанары жарқылын
Аңсап тұрар жан­жануар құлқыны.



Пікірлер (0)

Пікір қалдырыңыз

Айыртау атты ауданым

  • 0
  • 0

Айыртау атты ауданым - Кәкімбек Салықов
Айыртау деп атаймыз аудан атын,
Тарихы бай қазағым таңғалатын.
Шоқан, Ақан, Орынбай, Үкілі Ыбырай

Толық

Татулыққа кезім жоқ көніспеген

  • 0
  • 0

Татулыққа кезім жоқ көніспеген,
Жан құпия... от-сезім бөліскен ем.
Тәтті түстей өтеді еске түсіп,
Кәкімбек Салықов

Толық

Асыл ұлы қазақтың

  • 0
  • 0

Арнаған азат таңға жан өрісін,
Ардақты барша қазақ Халелісің.
Алашқа алтын күмбез орда салған,
Заңғайыр өнер­білім әлемісің.

Толық

Қарап көріңіз