Өлең, жыр, ақындар

Түн бойы ысып-өртенем

  • 06.11.2021
  • 0
  • 0
  • 369
Түн бойы ысып-өртенем,
Таппадым соның бір емін.
Оянсам таңда ертемен,
Тұрады ауырып жүрегім.
Шағынам несін досқа мен,
Жүрегімді айтып шаншыған.
Үйренген таңдап ескі әуен
Еңсені езіп жаншыған.
Кешігіп күнім сағынған,
Тонатып ойға күлкіні,
Шаршай ма әлде соғудан
Дамылсыз жүрек күн-түні...
Өтуде өмір өзгерген,
Сырт көзге шапқан аттаймын.
Сөздерден, оқты көздерден
Жүрегімді қайтсем сақтаймын?
Тағдырға қандай кез келгем,
Ешкімге ұнап, жақпаймын.
Сөздерден небір көздерден
Оқ тиген жапырақтаймын!..
Келемін күй ап күнімнен,
Сәттерде толқып, дір еткен.
Құлайтын сияқтымын мен
Аяқтан емес, жүректен!..



Пікірлер (0)

Пікір қалдырыңыз

Таулардан ақбоз құлап таң

  • 0
  • 0

Таулардан ақбоз құлап таң,
Толғатқан шақта күміс күн.
Сай жаққа өрген бұлақтан,
Етпеттеп жатып су іштім.

Толық

Жоғалдың қайда таңғы айым

  • 0
  • 0

Жоғалдың қайда таңғы айым,
Тартты екен сені думан қай?
Жазуға толып маңдайым,
Тағдырым тасқа туғандай.

Толық

Соғады жүрек!

  • 0
  • 0

Соғады жүрек!
Сенде де, жаным, менде де
Дүрсілдеп мынау кеудеде.
Күнімді бір сәт қарата көрме деймін мен,

Толық

Қарап көріңіз