Өлең, жыр, ақындар

Ауырмайтын жерім жоқ менің бүгін

  • 06.11.2021
  • 0
  • 0
  • 498
Ауырмайтын жерім жоқ менің бүгін,
Жайнап тұрып солғандай көңіл гүлім.
Жаяу шамдай, бір өшіп, бір жанамын,
Өшірер ме жел үрлеп, өмір күнін.
Өмірімнің бақытты санап таңын,
Жапырақтай желге ұшты қанатты әнім.
Елегізем, бір жақсы хабар күтіп,
Қалғандай-ақ санаулы сағаттарым.
Көңіліме ашық күн көктем керек,
Көктем мені лебімен өткен демеп.
Улап жатыр жанымды неше түрлі,
Жер бетінен ызыңдап жеткен дерек.
Көңілдегі ғашықпын көктемге бар,
Көктем күйі, арманға өткел болар.
Ұйықтатпайды миымды уақыттың-
Қойнауынан қаралы жеткен хабар.
Ізім түскен қол бұлғап белестен күн,
Нені ескермей, білмеймін нені ескердім.
Өмір сүріп көз ілем арасында
Таныс қиял, тағдырлы елестердің.
Сезгенімді, көз көріп, өлең еттім,
Уақыт берді жер атты кемеге екпін.
Шулы орман, улы ауа, улы гүлден –
Нәр алып, ұшып-қонған көбелекпін...



Пікірлер (0)

Пікір қалдырыңыз

Ойлар мені мазалайды күні-түн

  • 0
  • 0

Ойлар мені мазалайды күні-түн,
Үнсіз дүние, күтетіндей бір үкім.
Тас-түнекте қайтіп өмір сүрер ем,
Сөнсе көктен, сөнген жұлдыз үмітім.

Толық

Іздемейсің...

  • 0
  • 0

Іздемейсің...
Сен үшін өліп қалғам,
Сұлу көп қой, «кәрі әйел» болып па арман?
Жастығыммен қайтадан кездестірмей,

Толық

Оралу

  • 0
  • 0

Өкпелеттім енді не айта алармын,
Қайда барып, қай жерден жай табармын.
Сезіміме сол бір сәт себеп болып,
Сабылып көп мен саған қайта оралдым...

Толық

Қарап көріңіз