Өлең, жыр, ақындар

Сәл нәрседен әсер ап, елең еттім

  • 07.11.2021
  • 0
  • 0
  • 358
Сәл нәрседен әсер ап, елең еттім,
Өміріме алғандай бөлек екпін.
Қараңғыда жақындап жарығыңа,
Қанаттарын күйдірген көбелекпін.
Сыбдырынан сыр бағып жапырақтың,
Табиғаттың мінезін бақылаппын.
Айға ғашық болғандай қол жетпейтін,
Саған ғашық болған бір ақымақпын.
Сескенбеймін, өсектен, мазақтан мың,
Ақ сәулесін сіміріп ғажап таңның.
Күнге ғашық болған бір жер анадай,
Саған ғашық болып мен азаптандым.
Тұтқын болдым, тілекке, қамалып көп,
Топырақтан бір жан алып жаралып па ек?
Жетім бұлбұл жүректі шырылдатпай,
Қайда барсаң, сол жерге мені алып кет.
Оқымассың, жыр жазсам атыңа әлі,
Бұл өмірдің мен бе екем, ақымағы?
Арыстандай асық боп айға атылған,
Жүрек тулап кеудемнен атылады.
Бар жасауын жатқандай жайып дала,
Көкжиекке күн батты байып ғана.
Қол жетпесін білсем де, мен өзіңе,
Айым, ғашық боп қалдым, айыптама.



Пікірлер (0)

Пікір қалдырыңыз

Жаулап алып, бар ақыл, бар сананы

  • 0
  • 0

Жаулап алып, бар ақыл, бар сананы,
Ағыстарға арманым қарсы ағады.
Толқып аққан уақыттың мінбесінен,
«Әділет» деп аярлық жар салады.

Толық

Дос көңілін қылаусыз арман етем

  • 0
  • 0

Дос көңілін қылаусыз арман етем,
Арманыңды үмітке жалғап өтем.
Көптен күткен менің бір жеңісіме
Қуанатын қол соғып жан бар екен.

Толық

Уақыт үні

  • 0
  • 0

Қозғалыс! Қозғалыс қой, уақыт деген,
Уақытпен үндескен бақытты өлең.
Өткел бермес өмірдің бір кісідей,
Ащысы мен тәттісін татып келем.

Толық

Қарап көріңіз