Өлең, жыр, ақындар

Қарызбын саған

  • 08.11.2021
  • 0
  • 0
  • 456
Қарызбын саған, туған ел,
Жұмғанша мәңгі көзімді.
Қарызбын саған,
нұрлы әлем,
Сүйгенім үшін өзіңді.
Қарызбын көл мен тауға да,
Жаулаған көңіл аусарын.
Қарызбын кеш пен таңға да,
Күйіне ортақ баршаның.
Адамға барлық қарызбын,
Бастаған алға сапарын.
Солардан келмес қара үзгім,
Оттық ап сенен Отаным!
Бермейді маза көңілге,
Елестеп жүгім – досым-ау.
Хақым жоқ менің өлуге,
Қарыздарыммен осынау.
Қарызбын туған анаға,
Қарызбын туған балама.
Қарызбын гүлді далаға,
Қарызға батпай бола ма?!
Не істедім деп мақтанам,
Белгі қоймай еш күнге.
Өмірде бірақ, тек маған,
Қарыздар емес ешкім де.



Пікірлер (0)

Пікір қалдырыңыз

Уақыттың өте берсін ай, аптасы

  • 0
  • 0

Уақыттың өте берсін ай, аптасы,
Өмірдің біз емеспіз аяқ, басы.
Алаңсыз күлімсіреп шалықтаған,
Сәбиді ұйқыдағы оятпашы.

Толық

Өмір теңіз, мен қайықпын, сен ескек

  • 0
  • 0

Өмір теңіз, мен қайықпын, сен ескек,
Айдарымнан бақытымның жел еспек.
Мен өзіңді есіме алсам, құс жолы
Көз алдыма тұрады ылғи елестеп.

Толық

Жан-жағым үнсіз, тым-тырыс

  • 0
  • 0

Жан-жағым үнсіз, тым-тырыс,
Жалықтым қайда, той-думан.
Іздейді көңіл сілкініс.
Үнсіздік әбден тойдырған.

Толық

Қарап көріңіз