Өлең, жыр, ақындар

Қызыл шатқал, қызыл шатқал...

  • 31.12.2021
  • 0
  • 0
  • 407
Жан-жағың құз, қызыл шатқал,
Өрлеп кімдер жетіп еді?
Күнгей шатқал биігіңнен
Еңлік тере кетіп еді,
Оралды ма сонау жақтан,
Шық кешкендер толарсақтан?..
Әлде қыран қиясына
Қиянат қып ұясына
Оқ атты ма жаңғырықпен,
Қарау ниет қорамсақтан!
Шатқал биік, биік шатқал,
Күн қақтаған, мұз сақтаған,
Жатад деуші ед үнсіз сені
Жаңғырықтан үзіп алып
Үзік-үзік үн сақтаған...
Биік шарлап келгендер көп,
Қиял кезіп өлгендер тек...
Не деп еді, ақырғы рет,
Сақталды ма нақ солардан
Құзар шыңда ақырғы леп?
Мен де бірі едім соның,
Болар дегем, болар жолым...
Өз үнімді қалдырайын,
Шың құлағын тұндырайын...
Ол да шықты, дерсің шыңға,
Шашы ағарған бір мұңлығың
Жыр жолында жеген уайым!



Пікірлер (0)

Пікір қалдырыңыз

Жесірдің мұңы мәңгілік

  • 0
  • 0

Жесірдің мұңы мәңгілік
Атпайды екен таң күліп.
Жесірдің күні мұнардай
Тарқамайтын тұмандай.

Толық

Жанымның қанды жарасын

  • 0
  • 0

Жанымның қанды жарасын
Жырыңмен таңып емдерсің,
Жүректен шыққан шымырлап,
Лебізің жанға дем берсін.

Толық

Сағынбайды деймісің, сағынамын!

  • 0
  • 0

Сағынбайды деймісің, сағынамын!
Тағдырыма нала айтып, жабығамын!
Қамықпайды деймісің, қамығамын,
Тағдырыма тағы айтып налығанмын.

Толық

Қарап көріңіз

Басқа да жазбалар