Тас кереңдер ортасынан кетейік

Тас кереңдер ортасынан кетейік,
Қыр самалын жанға жалау етейік,
Белең алған күрсіністер үңгірі -
тас кереңдер ордасынан безейік!
Маң даланы пана тұтсақ кермиық,
тас кереңдер арасында жүрмейік!
Өңештердің күлді-көмеш құлдары
кереңдерге қолды бір-ақ сермейік!
Тас кереңдер арасында жүрмейік,
өп-өтірік езу керіп күлмейік!
Тас кереңдер арасынан кетейік,
аңқылдаған аңызаққа жетейік!

---