Өлең, жыр, ақындар

Жүрегім, есітемісің, жыл келеді

  • 14.01.2022
  • 0
  • 0
  • 699
Жүрегім, есітемісің, жыл келеді,
Толқудан тілім менің күрмеледі.
Есікті аш, қабылдап ал, төрге отырғыз,
Бақыт пен қуанышты іргедегі.
Ұзақ жол шақыра ма алыстарға,
Қол бұлға жағалауда таныстарға.
Кім білсін, адымы кең әз арманым
Ай болып тұрған шығар ғарыштарда.
Терезе перделері тербеледі,
Тербелсе, жанға жұмсақ жел келеді,
Бір нәрсе күтем ылғи, неге екенін,
Қанатын қарлығаштар сермегелі.
Тосамын әлдекімді, әлденені,
Бой түзеп салтанатым сәнденеді.
Тырналар тырауласа көк жүзінде,
Кеудеме сазсырнайлы ән келеді.
Төрлет, жыл! Тұрсын көктен төбең асып,
Төбелер теңселеді көде басып.
Жаңа жыл жаңа өмірге қарайлаған,
Жүрегі жасаң тартып көне ғашық.
Жүрегім, қартайма да, қарайлама,
Сөнетін көкжиекте арай ғана.
Арналы ағылыстан шағылысқан
Шалқыған шартарап тұр шарайнада.



Пікірлер (0)

Пікір қалдырыңыз

Жүрегімнен булығып ән шығарда

  • 0
  • 0

Жүрегімнен булығып ән шығарда,
Жаутаң қағып қарадым тамшыларға.
Ақ жаңбырдың мен-дағы күйін кешем,
Қара бұлттан аспаным аршыларда.

Толық

Түн өтті. Тағы да бір таң атты аман

  • 0
  • 0

Түн өтті. Тағы да бір таң атты аман,
Құлпырды күн астында жанат ғалам.
Ақ бауыр қарлығаштың қанатымен
Қалықтап барады ұшып алаптағы ән.

Толық

Елуді аңсау

  • 0
  • 0

Елу деген ел бар ма, бар болса егер қайда екен,
Ұрты толған май ма екен, мінген аты тай ма екен?
Бауырына тігіліп алты қанат ақбоз үй,
Толықсыған күн бе екен, жарқыраған ай ма екен?

Толық