Өлең, жыр, ақындар

Есігіңді ашып қой

  • 14.01.2022
  • 0
  • 0
  • 618
Есігіңді ашып қой,
Күз боп бір күн келем мен,
Жапырақ боп құйылатын өлеңмен.
Тыныштық боп,
Мүлгіп-мүлгіп жатам да,
Тырна болып тыраулаймын төбеңнен.
Босағаңды бөтен біреу көрмесін,
Жаппа гүлді терезеңнің пердесін.
Менің ғашық үнімді тап, аяулым,
Сипала да күйсандықтың пернесін.
Таң асығып жетер саған арайлы,
Гүл ішінен көзім саған қарайды.
Өзіңе деп айтылмаған сөздерім
Күннің алтын сәулесі боп тарайды.
Сәулем, сенде бар ма сол бір шарайна,
Қарашы оған, өңің толар арайға.
Менің демім шарайнада тұрады,
Тек өзің біл, ешкімге айтпа, жарай ма?
Жолға шықсаң, бар сапардан келші аман,
Құшағыма қызғалдақпен енші әман.
Күрсінісін ұмыттырам кеудеңнің,
Күреңіткен күз боп келіп мен саған.
Қалықтаған таң боп бір күн келем мен,
Шалықтаған нұрдан жаңбыр себем мен.
Жұпар бақта сен құс жолын іздесең,
Төніп тұрам жұлдыз болып төбеңнен.



Пікірлер (0)

Пікір қалдырыңыз

Дүбірлі күндер өтті дөңеспенен

  • 0
  • 0

Дүбірлі күндер өтті дөңеспенен,
Дабылды жылдар жетті белеспенен.
Балам-ау, күліп тұрған сені көрсем,
Жастығым көз алдыма елестеген.

Толық

Ғаламат

  • 0
  • 0

Таңның күліп атқандығы ғаламат,
Қызғылт кештің батқандығы ғаламат.
Бауыры аппақ қарлығаштың аспанда
Қанаттарын қаққандығы ғаламат.

Толық

Арман құсым қанатын керген еді

  • 0
  • 0

Арман құсым қанатын керген еді,
Жаз айының жарқырап шат күндері.
Жұпар шашып маңайға тербеледі
Ай астында Арыстың ақ гүлдері.

Толық

Қарап көріңіз