Өлең, жыр, ақындар

Сені күттім

  • 17.01.2022
  • 0
  • 0
  • 1074
Бұл өмірден
Не іздеп,
Нені күттім,
Кетпедім бе
Уайымға беріліп тым?
Білетінім –
Жаралы жырларыммен
Барлық жол торабынан сені күттім...
Бұл өмірден
Не іздеп,
Нені күттім,
Кетпедім бе арнамнан төгіліп тым?
Білетінім –
Жалынды жырларыммен
Барлық жол торабынан сені күттім...
Талай-талай
Сезім боп төгіліппін,
Талай-талай
Шаңға да көміліппін.
Мұңы басым,
Шаттығы аз шағым болса,
Жетегіне еремін тек үміттің...
Күндерімде есеп жоқ
Сені күткен,
Келем күтіп сеніммен,
Әлі үмітпен...
Сені өзіме,
Бәрібір,
алам тартып,
Сезім атты
ең күшті магнитпен!



Пікірлер (0)

Пікір қалдырыңыз

Қаралы қоңыраулар

  • 0
  • 0

Бұл арада қайғы-зар, аңырау бар,
Көкірегіңді күйдіре жалын аунар.
Түтіні өшкен
Әр үйдің мұржасында

Толық

Жапырақ – жырым

  • 0
  • 0

Құны қалмай қара бақыр,
Сұлулықтың сағы сынды.
Саудагер – күн санап жатыр
Жырымды емес, табысымды.

Толық

Махаббатым менің

  • 0
  • 0

Түсінесің бе?
Сені өзіме
Тым жақын баладым да...
Сіңіп кеттім

Толық

Қарап көріңіз