Өлең, жыр, ақындар

Тағдыр жайлы, ел жайлы, қаза жайлы

  • 23.02.2022
  • 0
  • 0
  • 1123
Тағдыр жайлы, ел жайлы, қаза жайлы,
өмір жайлы, дос жайлы жаз арайлы,
жақсы, жаман ойлар кеп оңашада
маған тыным бермейді, мазалайды.
Бірі тартып әлемге бұлты үрейлі,
бірі айтады: қайғы мен күлкі мейлі
алмасса да, әйтеуір тірлік артық –
деп, барлығы жанымды сілкілейді.
Басым қатып – қайсысы саналы ұғым,
(тартыс десе қарлығып қалады үнім)
отырамын дел-сал боп, әділ шешім
шығаруға жетіспей даналығым.
Біріне ерсем – тып-тынық жатар ғалам,
екіншіде – дүние қатал маған,
дәрменсізбін бір сәтте, енді бірде
найзағайдай жарқылдап, қаһарланам.
Не еткен болмыс: ертең – сау, бүгін –жерік,
күн кешпей ме қалыпты ғұмырға еріп?
Өзге түгілі, осынау болмысыма
отырамын өзім де жыным келіп.
Өзгермедім бұл күйден, «оңдалмадым»,
сездім жерде бұралаң жолдар барын.
Құздан құлап қалар ем, болмаса егер
періштедей менің дос-қорғандарым.
1985



Пікірлер (0)

Пікір қалдырыңыз

Мені пәк деп жүрсіңдер, таза жаны

  • 0
  • 0

Мені пәк деп жүрсіңдер, таза жаны,
ақ бұлақтай мөлдір деп ғажап әні.
Биліксіз жұрт, бас шайқап қоясыңдар
білмей жүр деп қадірін қазақ әлі.

Толық

Мақат түні

  • 0
  • 0

Ақ сезім — ақ жаңбырға малындырған,
сен десе, арылады жаным мұңнан.
Жүрекке нәр құятын, ән құятын
Мақаттың сол бір түні-ай сағындырған!

Толық

Мәңгілік от

  • 0
  • 0

Мәңгілік от қызыл жалын лаулаған
ұшқынындай жарқыраған көздердің.
Мәңгілік от — Күн нұрынан аумаған
ескерткіші жалындаған кездердің.

Толық

Қарап көріңіз

Пікірлер