Мезгілдер

Жастық — жалын, тау-құз селі, одан тұнық іздеме,
Қарттық — сабыр, беті тыныш, асты лай бірдеңе.
Жастық — дауыл, желкенсіздер жете алмас жағаға,
Қарттық - шалқар, айдыныңда қатар жүзер жүз кеме.
Мезгіл — дана, ұлғартады күннен-күнге санаңды,
Мезгіл — жаза, ойға батсаң ала берер мазаңды.
Жастық — жаның, алып-ұшып Жерден Көкке сұранған,
Қарттық — тәнің, мезгіл — жендет, тарттырады сазанды.
Қарттық — әке, жас ұрпаққа тілек тілеп жүрсем деп,
Жастық — бала, қиял тірлік, бар әлемді көркемдеп.
Қарттық қанша сөккенменен жігерсіз деп жастықты,
Жылдан жылға бара жатыр Әлем ғажап өркендеп.

Ақтау, 26.03.04 ж.

---