Өлең, жыр, ақындар

Қоян жылы жазылған өлең

  • 10.06.2022
  • 0
  • 0
  • 1503
Төгiлiп тұр жыр болып
Сергек қоян, сақ қоян...
Келiп кiрдi жыл болып
аппақ қоян, ақ қоян.
Қызық болса тоя алмай
Қызық қуып кетерсiң...
Келген жылым,
қояндай
аппақ болар ма екенсiң?!
Көрiнбестен ешкiмге
ақ аязда тоңарсың...
Аппақ қардың үстiнде
аппақ өлең боларсың.
Барамын деп жазыма
омбы қарды бұзарсың, –
Жеткiзбестен тазыға
құйын болып ұшарсың.
Астында ұмар-жұмардың
қалармысың бүгiлiп, –
Сорғалаған қыранның
тырнағына iлiнiп...
Жүрген жоқпын аянып
шапқыладым талмай бiр!
Биыл ендi, қояным
боласың сен қандай жыл?
Боласың ба жортақ жыл
көп болатын сөздерi?
боласың ба қорқақ жыл
бақырайған көздерi?
Кешiр, болса асығыс, –
айтсам егер шынымды, –
Қалмаймыз ба осы бiз
таба алмастан жымыңды.
Шығасың ба өрге сен
берекеге айналып?
Кетесiң бе, әлде сен,
қанжығаға байланып..



Пікірлер (0)

Пікір қалдырыңыз

Түркiстан

  • 0
  • 0

Төрт қақпалы Түркiстан!
Айдарым да өзiңсiң,
Айбарым да өзiңсiң!
Алынбайтын қамалдай,

Толық

Шойынбай қарияның Құшнаш кемпірге түсін жорытуы

  • 0
  • 0

- Түс көрдім,
Түрі жаман іс көрдім.
Бет-жүзі
Мұз сияқты жып-жылтыр,

Толық

Ақша бұлты қазақтың

  • 0
  • 0

Жаны толы дастанға
күйiн төккен азаттың, –
қалқып жүрген аспанда
ақша бұлты ең қазақтың.

Толық

Қарап көріңіз