Өлең, жыр, ақындар

Сүйер едім...

  • admin
  • 22.04.2024
  • 0
  • 0
  • 199
Ғасыр қарап тұрар ем жанарыңа,
Сыздаса да жүректе жара мына.
Қарай алман, кеш, гүлім, сенсем дағы
Өңіріңе ақ моншақ тамарына.
Сипар едім қолыңнан тек, өтінбей,
Ақ саусағың еріксіз көнетіндей.
Алақаным жылытса қолыңды мұз,
Жүрегімнің ақ нұры сөнетіндей.
Құшақтар ем кеудеме қатты қысып,
Қандай опа табармын жатты құшып.
Тағдыр айдап, қайтерміз бір күндері
Сезіміміз қалса егер қақтығысып?
Сүйер едім ерніңнен...
Пәктігі тұр.
Айтшы, қалқам, қаламас тәттіні кім!?
Болашақты кім білсін? Шыдайықшы!
Сақтап қойшы жарыңа тәттілігін.
Елемеші жырақтар, қашықтарды!
Сағыныштың есігі ашық қалды.
Таза сезім қалсыншы таза қалпы,
Ғашық жүрек қалсыншы ғашық қалпы!



Пікірлер (0)

Пікір қалдырыңыз

Сынық Аймен сырласады қайың жалғыз...

  • 0
  • 0

Сынық Аймен сырласады қайың жалғыз,
Суық маңнан біз кетеміз, дайындал, қыз.
Орамалмен қара түсті оранған бұлт,
Сары, қоңыр теңіздермен шайылған күз.

Толық

Ұйқысыз түн

  • 0
  • 0

Ақ пен пәкке ұмтылады жан, арым да,
Ойланбадым мұңнан көрпе жабарымда.
Қайтем енді, жоғалттым ғой мен өзімді,
Күзгі бақта, қоңыр қыздың жанарында.

Толық

Биылғы жазда

  • 0
  • 0

Биылғы жазда,
келешек жаздарда
саған хабарласпаймын,
былтырғы маусымды

Толық

Қарап көріңіз