Өлең, жыр, ақындар

Амал жоқ сүйемін

  • admin
  • 22.04.2024
  • 0
  • 0
  • 520
Тек менде боран бар, бұлтым бар,
Жап-жарық бұл әлем нұрланған.
Уа, барымташы қыз қайтаршы,
Мендегі бақытты ұрланған.
Сен кеттің, көктемді әкеттің
Біздегі жап-жасыл бұл маңнан.
Табанға тапталды бұл бақта,
Сарғайған жапырақ мұңданған...
Бірақ та сүремін өмірді,
Еске сап біздегі сәттерді.
Сені де жіберем арманға,
Қолымнан ұшырып кептерді.
Тауға ма?..
Бұлтқа ма?..
Айға ма?..
Самғарсың мекен ғып көктерді.
Сезімнің шегін мен іздеймін,
Өрнектеп шегі бар дәптерді.
Несіне мұңаям, толғанам,
Сен жүрсің жанымда, бағымда?!
Тәкаппар сезімдер — сыңарың,
Мейірім тұншығып ағынға.
Сен мені мәңгілік ұмыт тез,
Соңғы рет жылап-ап сағын да.
Тек менің сезімім сөнбесін,
Уа, сезім! Уа, жүрек! Жалында!

Шырқалған көмейде ән едің,
Кеудемде күмбірлі күй едің.
Мен саған тым жақын боп кеттім,
Сәулеңе ып-ыстық күйемін.
Өзің кеп жандырған, өшірген,
Жүректе қарайған күйе мұң.
Туылдық, амал жоқ өлеміз,
Амал жоқ мен сені сүйемін...



Пікірлер (0)

Пікір қалдырыңыз

Мен іздеген біреу бар

  • 0
  • 0

Мен іздеген біреу бар...
Ол жүреді асфальтында қазақтың,
Топлиымен қытайдың.
Оған білем, сұрғылт күзде жолыққан,

Толық

Өзіңдей өмір...

  • 0
  • 0

Жапырақ болсамшы жап-жасыл,
Дегенмен, қараша келеді.
Аспаннан бір тамшы күтемін,
Қаңсырап көңілдің шелегі.

Толық

Бүгін көпшілікпен сенбілікке шықтым

  • 0
  • 0

Бүгін көпшілікпен сенбілікке шықтым.
Қураған бұтақтарды тасыдық,
жапырақтарды сыпырдық...
Сонда, алғаш ақылыма келгені:

Толық

Қарап көріңіз