Өлең, жыр, ақындар

Сен десем

  • admin
  • 01.09.2024
  • 0
  • 0
  • 466
Жаным жалау желбірейді сен десем,
Сағынғанда жолға шықшы сенбесең.
Жер мен көкке симай кете жаздаймын,
Қарақат көздің мөлт еткенін көрмесем.

Қайырмасы:
Лүпілін жүрек жалғатқан,
Көз ілмес таңдар арнатқан.
Әлемде сұлу көрмедім,
Өзіңнен артық таңдантқан.

Сәт тумайды серпілмейтін сен десем,
Тілегің пәк жатқа көңіл бөлмесем.
Шатты күндер жоғалардай шошимын,
Аңсағанда күйіп-жанып келмесең.

Қайырмасы:
Арылып дертті күйіктен,
Кездессең алғыс үйілткем.
Әлемде сұлу көрмедім,
Өзіңнен артық сүйінткен.

Сарқылмайтын күш бітеді сен десем,
Құс боп ұштым қанат байлап кел десең.
Ақ дидарың көз алдымда жарқ етсе,
Қарсы келген қазаға да көнбес ем.

Қайырмасы:
Ақ ниет тату қолдасып,
Жүргелі шалқып жер басып.
Әлемде сұлу көрмедім,
Өзіңнен артық мен ғашық.



Пікірлер (0)

Пікір қалдырыңыз

Сәбиттің таулы шежіресі

  • 0
  • 0

Сәбиттің таулы шежіресі
Түсіне білсек Сәбит деген биікті,
Туған елді ол ерекше сүйіпті.
Кәкімбек Салықов

Толық

Қызылжарым — құмарым

  • 0
  • 0

Жарқабақта жанғандай қызыл жалын,
Байқап қалдым Есілде қызық барын.
Бала ғашық балдырған еске түсті
Кәкімбек Салықов

Толық

Қошке көрген ауыр түс

  • 0
  • 0

Айдаудан келіп,
Шарбақкөлде тұратын.
Роман жазды. Дәрігерлік құратын.
Байлаудағы тұлпарда жазық жоқ еді­ау,

Толық

Қарап көріңіз